مہاراشٹر کی بی جے پی-شندے حکومت نے 24-2023 کا بجٹ پیش کیا۔
Maharashtra Budget Announcement: مہاراشٹر کے نائب وزیر اعلیٰ اور وزیر خزانہ دیویندر فڑنویس نے آج مہاراشٹر کا بجٹ 2024-2023 پیش کیا۔ نائب وزیراعلیٰ دیویندر فڑنویس نے پی ایم کسان یوجنا کی طرز پر 1.15 کروڑ کسانوں کو 6 ہزار سالہ نقد فائدہ دہنے کا اعلان کیا ہے۔ ریاست اس اسکیم کے لئے ہرسال 6900 کروڑ روپئے کے اخراجات برداشت کرے گی۔ مہاراشٹر کے نائب وزیراعلیٰ دیویندر فڑنویس نے جمعرات کو’پنچامرت’ کے اصول پر مبنی ریاستی بجٹ پیش کیا اور کسانوں، خواتین، نوجوانوں، روزگار اور ماحولیات کے لئے اعلانات کئے۔
مہاراشٹرمیں مویشی کمیشن قائم کیا جائے گا، جسے مہاراشٹرگوسیوا آیوگ کے نام سے جانا جائے گا۔ ریاست میں دیسی مویشیوں کے تحفظ، پرورش اور تحفظ کے لئے کمیشن کے قیام کا خصوصی انتظام کیا گیا ہے۔ اس کے علاوہ خواتین کو ریاستی ٹرانسپورٹ بسوں (روڈ ویز) میں ٹکٹوں پر50 فیصد کی چھوٹ ملے گی۔ پونے میں شیواجی مہاراج کے لیے ایک خصوصی تھیم پارک 50 لاکھ روپے سے تعمیر کیا جائے گا۔
Mumbai | Maharashtra cabinet meeting going on to pass the State budget 2023-24 pic.twitter.com/N3PGfRq6mY
— ANI (@ANI) March 9, 2023
مہاراشٹر حکومت نے پی ایم کسان یوجنا کی طرز پر1.15 کروڑکسانوں کو 6 ہزار سالانہ نقد فائدہ دینے کا اعلان کیا ہے۔ ریاست اس منصوبے کے لئے ہرسال 6900 کروڑ روپئے کا خرچ برادشت کرے گا۔ خودکشی متاثرہ اضلاع کے کسانوں کو پی ڈی ایس کے ذریعہ تقسیم شدہ اناج کے بدلے سالانہ 1800 روپئے کا نقد فائدہ ملے گا۔
بے موسم بارش اور دیگر قدرتی آفات کے سبب ہونے والے نقصان کا اندازہ لگانے کے لئے ای پنچ نامہ ڈرون اورسیٹلائٹ کی مدد سے کیا جائے گا۔ ریاستی حکومت نے مچھواروں کو 5 لاکھ روپئے کے بیمہ کور کا اعلان کیا ہے۔ دیویندر فڑنویس نے چوتھی جامع خواتین کی پالیسی کا اعلان کیا گیا ہے۔ اس اسکیم کے تحت بی پی ایل فیملی کی خواتین کو 18 سال کی عمر حاصل کرنے تک 75,000 ₹ دیئے جاتے ہیں۔
مہاراشٹر میں ریاستی ٹرانسپورٹ سفر میں خواتین کے لئے 50 فیصد کی چھوٹ کا اعلان کیا گیا ہے۔ فڑنویس نے یہ اعلان بجٹ میں کیا ہے۔ مہاراشٹر کے نائب وزیراعلیٰ نے لیڈ-لڑکی اسکیم کا اعلان کیا، جس کے تحت تعلیم کے لئے پیلے اور نارنگی راشن کارڈ ہولڈروں کو گرانٹ دیا جائے گا۔ ریاست میں کام کرنے والی خواتین کے لئے 50 نئے ہاسٹل شروع کئے جائیں گے۔ نائب وزیراعلیٰ نے آنگن باڑی کارکنان کی تنخواہ بڑھا کر 10 ہزار روپئے کرنے کا اعلان کیا ہے۔
-بھارت ایکسپریس
