نئی دہلی: مرکزی حکومت نے فوج کے موجودہ نائب سربراہ لیفٹیننٹ جنرل دھیرج سیٹھ کو بھارتی فوج کا نیا سربراہ (Chief of the Army Staff) مقرر کر دیا ہے۔ وہ 30 جون 2026 کی دوپہر سے اپنے عہدے کا باضابطہ چارج سنبھالیں گے۔ وہ موجودہ آرمی چیف جنرل اپیندر دیویدی کی سبکدوشی کے بعد یہ ذمہ داری سنبھالیں گے، جو 30 جون کو ریٹائر ہو رہے ہیں۔ وزارتِ دفاع نے ایک بیان میں کہا کہ لیفٹیننٹ جنرل دھیراج سیٹھ کو جنرل کے مستقل عہدے کے ساتھ بھارتی فوج کا اگلا سربراہ مقرر کیا گیا ہے۔ وزارت کے مطابق وہ تقریباً چار دہائیوں پر محیط شاندار فوجی خدمات کا تجربہ رکھتے ہیں اور اپنے کیریئر کے دوران آپریشنل، انتظامی، تزویراتی اور ادارہ جاتی شعبوں میں اہم ذمہ داریاں انجام دے چکے ہیں۔
The Government has appointed Lieutenant General Dhiraj Seth, PVSM, UYSM, AVSM, presently serving as the Vice Chief of the Army Staff, as the next Chief of the Army Staff in the substantive rank of General with effect from the afternoon of 30 June 2026.
An alumnus of the National… pic.twitter.com/RExcCKjWJh
— Ministry of Defence, Government of India (@SpokespersonMoD) June 13, 2026
فوجی خدمات کا طویل تجربہ
لیفٹیننٹ جنرل دھیرج سیٹھ نیشنل ڈیفینس اکیڈمی سے فارغ التحصیل ہیں اور دسمبر 1986 میں آرمرڈ کور (Armoured Corps) میں کمیشن حاصل کیا تھا۔ اپنے فوجی کیریئر میں انہوں نے مختلف اہم عہدوں پر خدمات انجام دیں، جن میں صحرائی علاقے میں ایک آرمرڈ رجمنٹ کی کمان، مغربی محاذ پر آرمرڈ بریگیڈ کی قیادت، جموں و کشمیر میں انسدادِ شورش فورس کی کمان، بھارت کی اہم اسٹرائیک فارمیشن سدرشن چکر کور کی قیادت، جنرل آفیسر کمانڈنگ، دہلی ایریا، جنوبی مغربی کمان (South Western Command) کی سربراہی اور جنوبی کمان (Southern Command) کی قیادت شامل ہیں۔ وہ ان چند اعلیٰ فوجی افسران میں شامل ہیں جنہیں دو مختلف آپریشنل آرمی کمانڈز کی سربراہی کا اعزاز حاصل ہوا۔
فوجی جدیدکاری میں اہم کردار
لیفٹیننٹ جنرل سیٹھ کو بھارتی فوج کی جدیدکاری اور مستقبل کی جنگی صلاحیتوں کے فروغ میں نمایاں کردار ادا کرنے والے افسر کے طور پر جانا جاتا ہے۔ انہوں نے آرمی ہیڈکوارٹر میں اسٹریٹجک پلاننگ اور کیپبلیٹی ڈیولپمنٹ سے متعلق اہم ذمہ داریاں نبھائیں، جہاں انہوں نے فوج کی جدید جنگی ضروریات، نئی ٹیکنالوجیز کے استعمال اور طویل مدتی فورس اسٹرکچر کی منصوبہ بندی میں کلیدی کردار ادا کیا۔ لیفٹیننٹ جنرل سیٹھ ایک ممتاز عسکری ماہر سمجھے جاتے ہیں۔ انہوں نے ہائر کمانڈ کورس، نیشنل ڈیفنس کالج کی تعلیم حاصل کی، جبکہ فرانس کے شہر پیرس میں منعقد ہونے والے معروف کمانڈ اینڈ اسٹاف کورس میں بھی شرکت کی۔ ان کی تقرری کو بھارتی فوج کی پیشہ ورانہ قیادت اور جدید فوجی حکمتِ عملی کے تسلسل کے طور پر دیکھا جا رہا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
