![](https://urdu.bharatexpress.com/wp-content/uploads/2023/02/Amritpal-Singh.webp)
امرت پال کے حامیوں کا ہنگامہ
پنجاب کے امرتسر میں ‘وارث پنجاب ڈے’ کے سربراہ امرت پال سنگھ کے حامیوں نے اجنالا تھانے پر حملہ کردیا۔ اس میں 6 پولیس اہلکار زخمی ہوگئے، جنہیں پاس کے اسپتال میں داخل کرایا گیا ہے۔ امرت پال سنگھ کے حامیوں نے تلواروں اور بندوقوں سے پولیس بیرکیڈس توڑ ڈالے۔ حامی امرت پال سنگھ کے قریبی لوپریت طوفان کی گرفتاری کی مخالفت میں پولیس اسٹیشن کے باہرجمع ہوئے تھے۔
امرت پال سنگھ نے انتظامیہ کو وارننگ دیتے ہوئے کہا کہ صرف ایک سیاسی مقصد سے ایف آئی آر درج کی گئی۔ اگروہ ایک گھنٹے میں معاملے کو منسوخ نہیں کرتے ہیں، تو آگے جو کچھ بھی ہوگا، اس کے لئے انتظامیہ ذمہ دارہوگا… انہیں لگتا ہے کہ ہم کچھ نہیں کرسکتے، اس لئے یہ احتجاجی مظاہرہ ضروری تھا۔
وارث پنجاب ڈے کے سربراہ امرت پال سنگھ نے کہا کہ پولیس اہلکاروں کے زخمی ہونے کی جھوٹی خبرپھیلائی جا رہی ہے۔ سچ تو یہ ہے کہ وہ گرنے کے بعد زخمی ہوئے۔ حقیقت میں ہمارے 12-10 لوگوں کو چوٹیں آئی ہیں۔ 24 گھنٹے کے اندر طوفان سنگھ کو رہا کیا جانا چاہئے۔ ہم 24 گھنٹے بھی انتظار نہیں کریں گے۔
#WATCH पंजाब: अमृतसर के अजनाला थाने के बाहर ‘वारिस पंजाब डे’ के प्रमुख अमृतपाल सिंह के समर्थकों ने तलवारों और बंदूकों से पुलिस बेरिकेड्स तोड़े। वे उनके (अमृतपाल सिंह) करीबी सहयोगी लवप्रीत तूफान की गिरफ्तारी के विरोध में पुलिस स्टेशन के बाहर इकट्ठा हुए। pic.twitter.com/Yainqs5rs4
— ANI_HindiNews (@AHindinews) February 23, 2023
اندرا گاندھی نے بھی ایسا ہی کیا تھا: امرت پال
امرت پال سنگھ نے کہا کہ ہم خالصتان کے مطالبے کو بے حد پُرامن طریقے سے آگے بڑھا رہے ہیں۔ اس نے کہا، ‘وزیرداخلہ امت شاہ نے کہا تھا کہ خالصتان تحریک کو نہیں بڑھنے دیں گے۔ میں نے کہا تھا کہ اندرا گاندھی نے بھی ایسا ہی کیا تھا اور اگر آپ ایسا کرتے ہیں تو آپ کو نتائج بھگتنے ہوں گے۔ اگر وزیر داخلہ ‘ہندو راشٹر’ کا مطالبہ کرنے والوں سے یہی کہتے ہیں تو میں دیکھوں گا کہ کیا وہ وزیرداخلہ بنے رہتے ہیں’۔ اس کے پہلے بھی امرت پال سنگھ نے دھمکی دیتے ہوئے کہا تھا، ‘جو اندرا کے ساتھ ہوا وہی آپ کے ساتھ بھی کرسکتے ہیں’۔
یہ بھی پڑھیں: پون کھیڑا کو سپریم کورٹ سے بڑی راحت، عبوری ضمانت دیتے ہوئے عدالت نے کہا- ایف آئی آر منسوخ کرنے کا حکم نہیں دے سکتے
پولیس کمشنر جسکرن سنگھ نے بتایا کہ ابھی جو ایف آئی آر ہوئی ہے، اس کے عوض میں لوگ یہاں آئے اور انہوں نے ہمیں گرفتار شخص (لوپریت طوفان) کی بے گناہی کے کافی ثبوت دیئے ہیں۔ ایس آئی ٹی کی تشکیل کی گئی ہے اور وہ اس معاملے کی جانچ کرے گی۔ وہیں ایس ایس پی امرتسر نے کہا کہ لوپریت طوفان کو چھوڑ دیا جائے گا۔
-بھارت ایکسپریس