الیکشن کمیشن
دہلی کے چیف الیکشن کمشنرنے اس بحث کو خارج کردیا کہ 2024 کا لوک سبھا الیکشن 16 اپریل کو ہوگا۔ سوشل میڈیا پرسی ای او کے دفتر سے ایک خط سامنے آنے کے بعد ووٹنگ کی تاریخ سے متعلق بحث چھڑگئی۔ وائرل ہو رہی اس نوٹیفکیشن میں کہا گیا ہے کہ ہندوستان کے الیکشن کمیشن نے حوالہ کے مقصد اورانتخابی منصوبہ بندی میں شروع اوراختتامی تاریخوں کے حساب کے لئے، پولنگ کا دن عارضی طور پر 16 اپریل 2024 دیا تھا۔
نوٹیفکیشن دہلی کے سبھی 11 اضلاع کے انتخابی افسران کو جاری کیا گیا تھا اوراس کا عنوان ‘الیکشن کمیشن آف انڈیا کے انتخابی منصوبے میں دی گئی ٹائم لائن کی تعمیل/ پابندی’ ہے۔ کچھ ہی دیربعد دہلی کے سی ای او کے دفترنے سوشل میڈیا پلیٹ فارم ایکس (ٹوئٹر) پرپوسٹ کیا، جس میں اس بات پرزور دیا گیا کہ تاریخ صرف ریفرنس تھا۔ پوسٹ میں کہا گیا، ”میڈیا کے کچھ سوال @CeodelhiOffice کے ایک سرکلر کا حوالہ دیتے ہوئے آرہے ہیں تاکہ یہ واضح کیا جاسکے کہ 16.04.2024 لوک سبھا الیکشن 2024 کے لئے عارضی ووٹنگ کا دن ہے۔ یہ واضح کیا جاتا ہے کہ اس تاریخ کا ذکر صرف افسران کے لئے ای سی آئی کے انتخابی منصوبہ کے مطابق سرگرمیوں کا منصوبہ بنانے کے ضمن میں کیا گیا تھا۔”
Some media queries are coming referring to a circular by @CeodelhiOffice to clarify whether 16.04.2024 is tentative poll day for #LSElections2024
It is clarified that this date was mentioned only for ‘reference’for officials to plan activities as per Election Planner of ECI.— CEO, Delhi Office (@CeodelhiOffice) January 23, 2024
دہلی سی ای او دفترکی طرف سے ایک فالواپ پوسٹ ہندوستان کے الیکشن کمیشن کو بھی ٹیگ کیا گیا، جس نے وضاحت نامہ دوبارہ پوسٹ کیا۔ این ڈی ٹی وی کی خبر کے مطابق، ذرائع نے بتایا کہ الیکشن کا منصوبہ بناتے وقت صرف ریفرنس تاریخ متعین کرنے کا منصوبہ یا طریقہ کارمعیاری مشق ہے۔
یہ بھی پڑھیں: Rahul Gandhi Nyay Yatra: بھارت جوڑو نیائے یاترا کے درمیان گوہاٹی میں گھسنے کے راستے بند، کانگریس کارکنان کا ہنگامہ
لوک سبھا الیکشن کے لئے حقیقی تاریخ کی ابھی تصدیق نہیں ہوئی ہے۔ مانا جا رہا ہے کہ اپریل یا مئی میں ووٹنگ ہوسکتی ہے۔ واضح رہے کہ 2019 کا لوک سبھا الیکشن 7 مرحلوں میں ہوا تھا، جو 11 اپریل سے شروع ہوکر 19 مئی کو ختم ہوا تھا، جس کے نتائج 23 مئی کو اعلان کئے گئے تھے۔
بھارت ایکسپریس۔
