Lok Sabha Election 2024 Phase 2 Polling: لوک سبھا انتخابات 2024 کے لیے ووٹنگ کا دوسرا مرحلہ 26 اپریل کو صبح 7 بجے شروع ہوا۔ دوسرے مرحلے میں 13 ریاستوں اور مرکز کے زیر انتظام علاقوں (UTs) کی 89 لوک سبھا سیٹوں پر ووٹنگ ہو رہی ہے۔ ان مقامات پر ووٹنگ صبح 7 بجے شروع ہوئی جو شام 5 بجے تک جاری رہے گی۔ لوک سبھا انتخابات کے دوسرے مرحلے میں سرفہرست دعویداروں میں بھارتیہ جنتا پارٹی (بی جے پی) اور کانگریس شامل ہیں۔ کئی علاقائی پارٹیوں نے بھی 89 سیٹوں پر اپنے امیدوار کھڑے کیے ہیں۔
لوک سبھا انتخابات کے دوسرے مرحلے کے ووٹنگ میں نمایاں امیدواروں میں راج ناندگاؤں سے بھوپیش بگھیل، بنگلورو دیہی سے ڈی کے سریش، بنگلورو نارتھ سے شوبھا کرندلاجے، بنگلورو ساؤتھ سے تیجسوی سوریا، مانڈیا سے ایچ ڈی کمارسوامی، وائناڈ سے راہل گاندھی، پتھانامتھٹّا سے انل انٹونی ترواننت پورم سے ، ششی تھرور اور راجیو چندر شیکھر شامل ہیں۔ دوسرے مرحلے میں لڑنے والے امیدواروں میں جودھپور سے گجیندر سنگھ شیخاوت، جالور سے ویبھو گہلوت، متھرا سے ہیما مالنی، میرٹھ سے ارون گوول شامل ہیں۔
ووٹنگ کے دوسرے مرحلے میں بہار کی تین سیٹوں کشن گنج، کٹیہار، پورنیہ اور بھاگلپور پر انتخابات ہو رہے ہیں۔ چھتیس گڑھ کی راج ناندگاؤں، مہاسمند اور کانکیر سیٹوں پر انتخابات ہوں گے۔ مدھیہ پردیش کی ٹیکم گڑھ، دموہ، کھجوراہو، ستنا، ریوا، ہوشنگ آباد اور بیتول لوک سبھا سیٹوں پر لوگ ووٹ ڈال رہے ہیں۔ مہاراشٹر کی بلڈھانا، اکولا، امراوتی، وردھا، یاوتمال واشیم، ہنگولی، ناندیڑ اور پربھنی سیٹوں پر انتخابات ہو رہے ہیں۔
انتخابات کے دوسرے مرحلے میں راجستھان کی ٹونک-سوائی مادھوپور، اجمیر، پالی، جودھ پور، باڑمیر، جالور، ادے پور، بانسواڑہ، چتوڑ گڑھ، راجسمند، بھیلواڑہ، کوٹا، جھالاواڑ-باراں لوک سبھا سیٹوں پر ووٹنگ ہوگی۔ مغربی بنگال کی دارجلنگ، رائے گنج اور بلورگھاٹ لوک سبھا سیٹوں پر ووٹنگ ہوگی۔ اتر پردیش کے امروہہ، میرٹھ، باغپت، غازی آباد، گوتم بدھ نگر، بلند شہر، علی گڑھ، متھرا میں ووٹنگ ہو رہی ہے۔
دوسرے مرحلے کے دوران جنوبی ریاست کیرلہ کی تمام سیٹوں پر ووٹنگ ہوگی۔ کرناٹک کی اُڈپی، چکمنگلور، ہاسن، جنوبی کنڑ، چتردرگ، تمکور، مانڈیا، میسور، چامراج نگر، بنگلورو رورل، بنگلورو نارتھ، بنگلورو سنٹرل، بنگلورو ساؤتھ، چکبلا پور، کولار سیٹوں پر ووٹنگ ہو رہی ہے۔
-بھارت ایکسپریس
