INDIA Alliance Seat Sharing: اترپردیش میں سماجوادی پارٹی اورکانگریس کے درمیان سیٹوں کی تقسیم ہوگئی ہے۔ سماجوادی پارٹی کے صدراکھلیش یادونے اس کی جانکاری دی ہے۔ یوپی میں کانگریس 11 سیٹوں پرالیکشن لڑے گی۔ اکھلیش یادو نے کہا کہ کانگریس کے ساتھ 11 سیٹوں سے ہمارے خوشگواراتحاد کی شروعات اچھی ہورہی ہے۔ یہ سلسلہ جیت کے ساتھ اوربھی آگے بڑھے گا۔ ’انڈیا‘ کی ٹیم اور’پی ڈی اے‘ کی حکمت عملی تاریخ بدل دے گی۔
مغربی یوپی کے علاوہ پروانچل اوربندیل کھنڈ میں بھی کانگریس کو سیٹیں دی جاسکتی ہیں۔ سماجوادی پارٹی کے صدر نے پہلے ہی کہہ دیا تھا کہ وہ اس ماہ کے آخرتک سیٹوں پرفیصلہ کرلیں گے اوراب سماجوادی پارٹی کی طرف سے اس کا اعلان بھی ہوگیا ہے۔ حالانکہ کانگریس کی طرف سے ابھی تک کوئی ردعمل سامنے نہیں آیا ہے۔ 2019 کے لوک سبھا الیکشن میں کانگریس کو صرف ایک سیٹ رائے بریلی میں ہی جیت ملی تھی، جہاں سے سونیا گاندھی نے جیت حاصل کی تھی جبکہ راہل گاندھی امیٹھی کی اپنی روایتی سیٹ سے ہارگئے تھے۔
कांग्रेस के साथ 11 मज़बूत सीटों से हमारे सौहार्दपूर्ण गठबंधन की अच्छी शुरुआत हो रही है… ये सिलसिला जीत के समीकरण के साथ और भी आगे बढ़ेगा।
‘इंडिया’ की टीम और ‘पीडीए’ की रणनीति इतिहास बदल देगी।
— Akhilesh Yadav (@yadavakhilesh) January 27, 2024
لوک سبھا الیکشن 2024 میں مودی حکومت کا مقابلہ کرنے کے لئے اپوزیشن نے انڈیا الائنس کی تشکیل کی تھی، لیکن وہ پوری طرح سے بکھرتی ہوئی نظرآرہی ہے۔ مغربی بنگال کی وزیراعلیٰ ممتا بنرجی نے اس سے کنارہ کشی اختیار کرلی ہے اور مغربی بنگال میں اکیلے الیکشن لڑنے کا اعلان کردیا ہے۔ وہیں بہار کی موجودہ سیاسی حالات میں نتیش کمار کی قیادت والی جنتا دل یونائیٹیڈ (جے ڈی یو) بھی الگ ہونے جا رہی ہے اور وہ این ڈی اے الائنس میں شامل ہوگی۔ واضح رہے کہ نتیش کمار نے ہی انڈیا الائنس بنانے کی کوششیں شروع کی تھیں۔ اس طرح سے اب وہی انڈیا الائنس کو جھٹکا دے کرالگ ہونے جا رہے ہیں۔ اگریوپی کی بات کریں تواکھلیش یادو انڈیا الائنس کے ساتھ مضبوطی سے کھڑے ہیں۔ انہوں نے آرایل ڈی کو 7 اورکانگریس کو 11 سیٹیں دینے کا اعلان کردیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
