دہلی کے سابق وزیراعلیٰ منیش سسودیا۔ (تصویر: پی ٹی آئی)
Delhi Liquor Scam: انفورسمنٹ ڈائریکٹوریٹ (ای ڈی) دہلی شراب پالیسی میں بدعنوانی اوربے ضابطی سے متعلق منی لانڈرنگ معاملے میں منگل کے روز سابق نائب وزیراعلیٰ منیش سسودیا سے پوچھ گچھ کرسکتی ہے اوران کا بیان درج کرسکتی ہے۔ ذرائع نے بتایا کہ وفاقی تحقیقاتی ایجنسی نے اس معاملے میں ایک اور گرفتاری کی ہے۔ اس نے حیدرآباد کے شراب تاجر ارون رام چندر پلئی کو حراست میں لیا ہے۔
ای ڈی کے افسران منی لانڈرنگ روک تھام قانون کے تحت منیش سسودیا کا بیان درج کرنے کے لئے دوپہر کو تہاڑ جیل پہنچیں گے۔ سی بی آئی نے اس معاملے میں منیش سسودیا کو گزشتہ ماہ گرفتار کیا تھا اور وہ ابھی عدالتی حراست میں ہیں۔
दिल्ली के पूर्व उप मुख्यमंत्री व AAP नेता मनीष सिसोदिया से ED आज जेल में शराब घोटाले के सिलसिले में पूछताछ करेगी: सूत्र
(फाइल फोटो) pic.twitter.com/S9NBfwYl2e
— ANI_HindiNews (@AHindinews) March 7, 2023
بزنس مین ارون پلئی کو لمبی پوچھ گچھ کے بعد پیر کی شام کو منی لانڈرنگ کی روک تھام کا ایکٹ (پی ایم ایل اے) کی مجرمانہ دفعات کے تحت حراست میں لیا گیا۔ ای ڈی کے ذریعہ اس معاملے میں یہ 11ویں گرفتاری ہے۔ ذرائع نے بتایا کہ پلئی کو ایک مقامی عدالت میں پیش کیا جائے گا، جہاں ای ڈی پوچھ گچھ کے لئے ان کی حراست دینے کی گزارش کرے گی۔
दिल्ली शराब घोटाला मामले में प्रवर्तन निदेशालय (ED) ने हैदराबाद के व्यवसायी अरुण पिल्लई को दिल्ली से गिरफ़्तार किया।
— ANI_HindiNews (@AHindinews) March 7, 2023
واضح رہے کہ سی بی آئی نے سال 22-2021 کی شراب پالیسی نافذ کرنے میں مبینہ بدعنوانی سے متعلق دہلی کے نائب وزیراعلیٰ منیش سسودیا کو تقریباً 8 گھنٹے کی پوچھ گچھ کے بعد گرفتار کرلیا تھا۔
-بھارت ایکسپریس
