TRF denies involvement in Pahalgam Terror Attack: ہندوستانی فوج کے خوف سے  پلٹ گیا ٹی آرایف، پہلگام حملے میں شامل ہونے سے انکار، سوشل میڈیا سے متعلق کیا یہ دعویٰ

جموں وکشمیرکے پہلگام میں ہوئے دہشت گردانہ حملے میں بے قصور 26 ہندوستانی سیاحوں کی موت ہوگئی تھی۔ حادثہ کے بعد اس حملے کی ذمہ داری پاکستان کی دہشت گرد تنظیم دی ریزسٹنس فرنٹ (ٹی آرایف) نے لی تھی۔ اس کے بعد سے ہی ہندوستانی حکومت نے کئی سخت اقدامات کئے۔ یہی وجہ ہے کہ پاکستان کے ساتھ ہی ان دہشت گردوں کی روح کانپنے لگی ہے۔ ہندوستان کی کارروائی کے بعد دی ریزسٹنس فرنٹ (ٹی آرایف) نے اپنے ہاتھ کھینچ لئے ہیں اورحملے کی ذمہ داری لینے سے انکارکردیا ہے۔

دی ریزسٹنس فرنٹ (ٹی آرایف) نے بھی بیان جاری کرکے پہلگام حملے سے پلہ جھاڑلیا ہے۔ گروپ نے ایک پوسٹ جاری کرکے کہا کہ دی ریزسٹنس فرنٹ پہلگام کے حادثہ میں کسی بھی طرح کی شمولیت سے واضح طورپرانکارکرتا ہے۔ ٹی آرایف نے اپنے نئے بیان میں کہا کہ ہمارا ڈیجیٹل پلیٹ فارم ہیک کیا گیا اورحملے کی ذمہ داری لینے والا میسیج ڈالا گیا۔

پہلگام حملے کے بعد لشکرطیبہ کے ڈپٹی کمانڈرسیف اللہ کسوری کا ایک ویڈیو سامنے آیا تھا، جس میں اس نے دہشت گردانہ حملے سے خود کو ذمہ دار ماننے سے انکارکردیا تھا۔ ٹی آرایف نے ہندوستانی ایجنسیوں پرسازش کرنے کا الزام بھی لگایا اور معاملے کی جانچ شروع کرنے کی بات کہی ہے۔

ٹی آرایف نے حملے کے بعد خود لی تھی ذمہ داری

جموں وکشمیرمیں کے پہلگام میں ہوئے دہشت گردانہ حملے کے بعد دی ریجسٹنس فرنٹ (ٹی آرایف) نے اس کی ذمہ اری لی تھی۔ حالانکہ ہندوستان کے خوف کی وجہ سے دہشت گرد تنظیم اورپاکستان کی نیند اڑگئی ہے۔ اسے خوف ستا رہا ہے کہ کہیں ہندوستان کے ساتھ جھگڑا مول لینا مہنگا ثابت پڑسکتا ہے۔ اس کی وجہ یہ ہے کہ گزشتہ 24 گھنٹوں کے دوران ہندوستانی فوج نے کشمیرمیں 7 دہشت گردوں کے مکانات کوتباہ کیا ہے۔ اس کے ساتھ مزید کئی دہشت گردوں کے مکانات کوتباہ کرنے کے لئے کارروائی کی جا رہی ہے۔ ٹی آرایف کو یہی خوف ہے کہ اب ہندوستان کسی بھی قیمت پر بدلہ لے کررہے گا۔ یہی وجہ ہے کہ اس نے حادثہ کی ذمہ داری لینے سے واضح طور پر انکار کردیا ہے۔ اس کے ساتھ ہی اس کی طرف سے ایک خط بھی جاری کیا گیا ہے۔