جموں وکشمیر کے لیفٹیننٹ گورنر منوج سنہا نے امرناتھ یاتریوں کے پہلے جتھے کو روانہ کیا۔
جموں وکشمیرکے لیفٹیننٹ گورنر منوج سنہا نے جمعہ سالانہ امرناتھ یاترا کے لئے تیرتھ یاتریوں کے پہلے جتھے کو یہاں بھگوتی نگر کیمپ سے ہری جھنڈی دکھاکر روانہ کیا۔ اس جتھے میں تقریباً 3,400 تیرتھ یاتری شامل ہیں۔
کثیرسطحی سیکورٹی کے درمیان، یاتریوں کا پہلا کھیپ 3,880 میٹر کی بلندی پر واقع مقدس گپھا میں بابا برفانی کے درشن کے لئے کشمیر کے دونوں بیس کیمپوں کے لئے روانہ ہوا۔ یہ گپھا مندرجنوبی کشمیر ہمالیہ میں واقع ہے۔
امرناتھ یاترا کے لئے 62 روزہ تیرتھ یاترا ہفتہ کے روز کشمیر سے شروع ہوگی۔ اس یاترا کے لئے دو شاہراہ ہیں۔ پہلا اننت ناگ ضلع کا 48 کلومیٹر لمبا روایتی ننوان-پہلگام مارگ، جبکہ دوسرا گاندربل ضلع کا بالٹال مارگ، جو تقریباً 14 کلو میٹر چھوٹا، لیکن بے حد شاندار ہے۔
Flagged off first batch of Shri Amarnath Ji Yatra pilgrims from Yatri Niwas, Jammu. pic.twitter.com/jJodDzjn5f
— Office of LG J&K (@OfficeOfLGJandK) June 30, 2023
سی آرپی ایف کے جوان تعینات
امرناتھ یاترا سے متعلق سیکورٹی کے پختہ انتظامات کئے گئے ہیں۔ سی آرپی ایف 160 بٹالین کے کمانڈینٹ ہری اوم کھرے نے بتایا کہ امرناتھ یاترا کے لئے سی آرپی ایف نے تیاری پوری کرلی ہے۔ سی آرپی ایف کے جوان چپے چپے پر تعینات ہیں۔ یاتریوں کے ساتھ بھی جوانوں کی ایک بڑی ٹکڑی روانہ ہوئی ہے۔ اس کے علاوہ بائیک دستہ اور ڈرون سے بھی یاترا کی نگرانی کی جا رہی ہے۔
بھارت ایکسپریس۔
