کانگریس کے سینئر لیڈر جے رام رمیش۔
نئی دہلی: کانگریس کے سینئر لیڈر جے رام رمیش نے جی ایس ٹی 2.0 سے متعلق مرکزی حکومت کے حالیہ اعلانات پر ردعمل ظاہر کیا۔ انہوں نے کہا کہ کانگریس طویل عرصے سے جی ایس ٹی 2.0 کی وکالت کر رہی ہے۔ میں پوچھتا ہوں، کیا جی ایس ٹی کونسل اب محض ایک رسمی حیثیت بن گئی ہے؟
’’کیا کونسل محض ایک رسمی حیثیت بن گئی ہے‘‘
جے رام رمیش نے سوشل میڈیا پلیٹ فارم X پر لکھا، ’’انڈین نیشنل کانگریس طویل عرصے سے جی ایس ٹی 2.0 کی وکالت کر رہی ہے، جو شرحوں کی تعداد کم کرے، بڑے پیمانے پر استعمال ہونے والی اشیاء پر ٹیکس کی شرح کم کرے، ٹیکس چوری، غلط درجہ بندی اور تنازعات کم کرے، انورٹڈ ڈیوٹی اسٹرکچر (جہاں ان پٹ پر آؤٹ پٹ کے مقابلے زیادہ ٹیکس لگتا ہے) کو ختم کرے، ایم ایس ایم ای کے سابقہ قوانین پر بوجھ کم کرے اور جی ایس ٹی کے دائرے کو بڑھائے۔ مرکزی وزیر خزانہ نے کل شام ایک آئینی ادارہ جی ایس ٹی کونسل کی میٹنگ کے بعد بڑے اعلانات کئے۔ حالانکہ، جی ایس ٹی کونسل کی میٹنگ سے پہلے ہی، وزیر اعظم نے 15 اگست 2025 کو اپنی یوم آزادی کی تقریر میں اس کے فیصلوں کے خلاصے کا اعلان کر دیا تھا۔ کیا جی ایس ٹی کونسل اب محض ایک رسمی حیثیت بن کر رہ گئی ہے؟‘‘
رمیش نے جی ایس ٹی 1.0 پر بھی اٹھائے سوال
جے رام رمیش نے جی ایس ٹی 1.0 پر بھی سوال اٹھائے۔ انہوں نے کہا، ’’نجی کھپت میں کمی، نجی سرمایہ کاری کی سست شرحوں اور نہ ختم ہونے والے درجہ بندی کے تنازعات کے درمیان مرکزی حکومت کو اب تسلیم کرنا پڑا ہے کہ جی ایس ٹی 1.0 اپنے آخری حد تک پہنچ چکا ہے۔ دراصل، جی ایس ٹی 1.0 اس کا ڈیزائن ہی خامیوں سے بھرا تھا اور کانگریس نے جولائی 2017 میں ہی اس پر دھیان دلا دیا تھا، جب وزیر اعظم نے اپنا یوٹرن لے کر اسے لاگو کرنے کا فیصلہ کیا تھا۔ اسے گُد اینڈ سمپل ٹیکس کہا گیا تھا، لیکن یہ گروتھ سپریسنگ ٹیکس ثابت ہوا۔
اصلی جی ایس ٹی 2.0 کا انتظار ابھی بھی جاری
انہوں نے کہا، ’’کل کے اعلانات نے سرخیاں بٹوریں، کیونکہ وزیر اعظم پہلے ہی پری دیوالی ڈیڈ لائن طے کر چکے تھے۔ یہ مانا جا رہا ہے کہ شرحوں میں کٹوتی کے فوائد صارفین تک پہنچیں گے۔ حالانکہ، اصلی جی ایس ٹی 2.0 کا انتظار ابھی بھی جاری ہے۔ کیا یہ نیا جی ایس ٹی 1.5 (اگر اسے ایسا کہا جا سکے) نجی سرمایہ کاری، خاص طور پر مینوفیکچرنگ سیکٹر کی حوصلہ افزائی کرے گا، یہ دیکھنا باقی ہے۔ کیا اس سےMSMEs پر بوجھ کم ہوگا، یہ تو وقت ہی بتائے گا۔
جے رام رمیش نے ریاستوں کے مطالبے کا کیا ذکر
جے رام رمیش نے ریاستوں کے مطالبے کا ذکر کرتے ہوئے کہا، ’’اس دوران، ریاستوں کا ایک اہم مطالبہ، جو کوآپریٹو فیڈرلزم کے حقیقی جذبے سے کیا گیا تھا، یعنی ریونیو کے مکمل تحفظ کے لیے مزید پانچ سالوں تک معاوضے کی مدت میں توسیع، ابھی بھی تک حل طلب ہے۔ درحقیقت شرح میں کمی کے بعد اس مطالبے کی اہمیت اور بھی بڑھ گئی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
