مرکزی وزیر داخلہ امت شاہ نے بھارت کو 2029 کے ورلڈ پولیس اینڈ فائر گیمز (WPFG) کی میزبانی کا اعزاز حاصل ہونے پر خوشی اور فخر کا اظہار کیا ہے۔ انھوں نے کہا کہ یہ کامیابی وزیراعظم نریندر مودی کی قیادت میں ملک میں تیار کیے گئے وسیع کھیلوں کے بنیادی ڈھانچے کی عالمی سطح پر پذیرائی ہے۔
سوشل میڈیا پلیٹ فارم ’ایکس‘ پر پوسٹ کرتے ہوئے امت شاہ نے لکھا کہ ’’یہ ہر بھارتی شہری کے لیے فخر کا لمحہ ہے کہ بھارت کو 2029 کے ورلڈ پولیس اینڈ فائر گیمز کی میزبانی کا اعزاز ملا ہے۔ یہ ہماری اسپورٹس انفراسٹرکچر کا عالمی سطح پر اعتراف ہے، جو وزیر اعظم نریندر مودی جی کی قیادت میں قائم کیا گیا ہے۔‘‘
It is a moment of great pride for every citizen, as Bharat has been designated as the host country for the prestigious 2029 World Police and Fire Games. Bharat winning the prestigious bid to host the event is a global recognition of our sprawling sports infrastructure built under…
— Amit Shah (@AmitShah) June 27, 2025
انھوں نے مزید کہا کہ احمد آباد کو اس ایونٹ کے میزبان شہر کے طور پر منتخب کیا جانا خود اس بات کی علامت ہے کہ یہ شہر تیزی سے ایک بڑے اسپورٹس کے مرکز میں تبدیل ہو رہا ہے۔ واضح رہے کہ ایک روز قبل گجرات کے وزیر اعلیٰ بھوپندر پٹیل نے اعلان کیا تھا کہ گجرات کو اس باوقار بین الاقوامی مقابلے کی میزبانی کا حق حاصل ہو گیا ہے۔ انھوں نے اسے احمد آباد کو ’’اسپورٹس کیپٹل آف انڈیا‘‘ بنانے کی سمت میں ایک بڑا قدم قرار دیا۔
گجرات کے وزیر اعلیٰ نے کل کیا تھا اعلان
وزیر اعلیٰ بھوپندر پٹیل نے کہا کہ ’’گجرات کے لیے فخر کا لمحہ! بھارت نے 2029 میں ہونے والے ورلڈ پولیس اینڈ فائر گیمز کی میزبانی کا اعزاز حاصل کر لیا ہے۔ احمد آباد، گاندھی نگر اور ایکتا نگر میں یہ مقابلے ہوں گے۔ یہ کامیابی وزیر اعظم نریندر مودی اور وزیر داخلہ امت شاہ کی وژنری قیادت کی عکاسی کرتی ہے۔‘‘
واضح رہے کہ ورلڈ پولیس اینڈ فائر گیمز ایک اولمپک طرز کا بین الاقوامی مقابلہ ہے، جس میں دنیا بھر کے قانون نافذ کرنے والے اداروں، فائر فائٹرز، کسٹمز، امیگریشن اور پروبیشن افسران حصہ لیتے ہیں۔ یہ مقابلے ہر دو سال بعد منعقد ہوتے ہیں اور اس میں 60 سے زائد کھیل شامل ہوتے ہیں۔ یہ ایونٹ کیلیفورنیا پولیس ایتھلیٹک فیڈریشن (CPAF)، میزبان شہر اور WPFG بورڈ آف ڈائریکٹرز کے تحت منعقد کیا جاتا ہے۔ اس کا پہلا ایڈیشن 1985 میں کیلیفورنیا میں منعقد ہوا تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
