بھارت اور پاکستان کے درمیان سیز فائر کے اعلان کا انڈین مسلمس فار سول رائٹس نے خیر مقدم کیا ہے۔ تنظیم کے سربراہ اور سابق رکن پارلیمنٹ محمد ادیب نے کہا کہ “ہم بھارت اور پاکستان کے مابین سيز فائر کے اعلان کا خیر مقدم کرتے ہیں۔ یہ ایک مثبت اور انتہائی اہم پیش رفت ہے جو خطے میں امن و استحکام کے لئے امید کی کرن ہے۔ ہم ان تمام افراد، سول سوسائٹی سے جڑی تنظیموں اور قومی و بین الاقوامی اداروں کی ستائش کرتے ہیں جنہوں نے کشیدگی کے ماحول میں امن، تحمل اور کشیدگی کوختم کرنے کے لیے بھرپور کوششیں کی۔
محمد ادیب نے کہا کہ پڑوسی ملک کو یہ سمجھ لینا چاہئے کہ دہشت گردی کو فروغ دینا خطے میں قیام امن کے لئے سنگین خطرہ ہے۔ انہوں نے کہا کہ بھارت کسی کا دشمن نہیں ہو سکتا لیکن اگر بھارت کے امن و امان کو چیلنج کیا جائے گا تو وہ خاموش بھی نہیں بیٹھ سکتا ہے ۔ محمد ادیب نے حکومت پاکستان کو یاد دلاتے ہوئے کہاکہ دہشت گردی سوائے تباہی و بربادی کے کچھ نہیں دیتی ہے۔ اگر پاکستان دہشت گردی کی پشت پناہی بند کر دے تو بھارت آج بھی پاکستان کو گلے لگانے کے لئے تیار ہے۔ انہوں نے کہا کہ دہشت گردی اور دوستی ایک ساتھ نہیں چل سکتی ہے۔
محمد ادیب نے کہا کہ ہم ان تمام متاثرہ خاندانوں سے دلی تعزیت کا اظہار کرتے ہیں جنہوں نے جنگ کے اس ماحول میں اپنے عزیزوں کو کھویا اورزخمیوں کی جلد صحت یابی کی دعا کرتے ہیں۔ ساتھ ہی ہم حکومتِ ہند سے مطالبہ بھی کرتے ہیں کہ وہ جاں بحق افراد کے اہل خانہ کو مناسب معاوضہ فراہم کرے اور خاص طور پر سرحدی علاقوں میں رہنے والے شہریوں کو پیش آئے معاشی نقصانات اور روزگار کی تباہی کے ازالے کے لیے مؤثر اقدامات کرے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
