Indian Mujahideen Terrorist: پٹیالہ ہاؤس کورٹ کی این آئی اے عدالت نے انڈین مجاہدین کے چار دہشت گردوں کو بدھ کے روز (12 جولائی) کو 10 سال کی سزا سنائی۔ خصوصی جج شیلیندرملک نے یہ سزا پورے ملک بھرمیں دہشت گردانہ حملوں کے ذریعہ حکومت کے خلاف جنگ چھیڑنے کی مجرمانہ سازش کرنے کے سال 2012 کے ایک معاملے میں سنائی ہے۔
عدالت نے دانش انصاری، آفتاب عالم، عمران خان اور عبیدالرحمٰن کو ہندوستانی تعزیرات ہند (آئی پی سی) کی مختلف دفعات اور غیرقانونی سرگرمیاں (روک تھام) ایکٹ (یو اے پی اے) کے تحت قصوروار ٹھہرایا تھا۔ اس دوران عدالت نے کہا تھا کہ چاروں نے سات جولائی کو اپنے قصور کا اعتراف کرلیا تھا۔ عدالت نے ان چاروں کو 10 جولائی کو ہی قصوروار قرار دیا تھا۔
#NIA court in Delhi convicts four Indian Mujahideen (IM) operatives -Danish Ansari, Aftab Alam, Imran Khan and Obaid-Ur-Rehman-under various sections of the IPC and Unlawful Activities (Prevention) Act for hatching a criminal conspiracy to wage war against India by conducting…
— Upendrra Rai (@UpendrraRai) July 10, 2023
کن دفعات کے تحت درج ہوا تھا معاملہ؟
این آئی اے نے تعزیرات ہند کی دفعہ 121 اے (ہندوستانی حکومت کے خلاف جنگ چھیڑنے کی سازش) اور دفعہ 123 (جنگ چھیڑنے کے منصوبہ کو آسان بنانے کے ارادے سے چھپانا) کے تحت ستمبر، 2012 میں ایک معاملہ درج کیا تھا۔
NIA Court sentences four IM Operatives to 10 years rigorous imprisonment
Read @ANI Story | https://t.co/9e895YwvNl#NIA #IMOperatives #IndianMujahideen #Delhi pic.twitter.com/be16fJICPR
— ANI Digital (@ani_digital) July 12, 2023
دہشت گردوں کو یو اے پی اے کی دفعہ 17 (دہشت گردانہ سرگرمیوں کے لئے پیسہ جمع کرنے)، دفعہ 18 (دہشت گردانہ سرگرمیوں کو انجام دینے کے لئے سازش)، دفعہ 18 اے (دہشت گردانہ کیمپوں کا انعقاد)، دفعہ 18 بی (دہشت گردانہ واردات کے لئے لوگوں کی بھرتی کرنا) اور دفعہ 20 (کسی دہشت گرد تنظیم کا رکن ہونا) کے تحت بھی ملزم بنایا گیا تھا۔
