ایشیا کپ 2023 کے لئے ٹیم انڈیا کا اعلان کردیا گیا ہے۔
IND vs NZ 2nd ODI: ٹیم انڈیا نے رائے پور ونڈے میں نیوزی لینڈ کو 8 وکٹ سے شکست دے دی ہے۔ اس طرح روہت شرما کی قیادت والی ہندوستانی ٹیم نے سیریز پر قبضہ کرلیا ہے۔ دوسرے ونڈے میں ہندوستانی ٹیم کو جیت کے لئے 109 رن بنانے تھے۔ ٹیم انڈیا نے محض 20.1 اوور میں صرف دو وکٹ گنواکر آسانی سے یہ ہدف حاصل کرلیا۔ اس کے ساتھ ہی ہندوستان نے تین میچوں کی سیریز میں 0-2 کی ناقابل تسخیر سبقت حاصل کرلی ہے۔
روہت شرما نے لگائی نصف سنچری
ٹیم انڈیا کے لئے کپتان روہت شرما نے 51 رنوں کی شاندار اننگ کھیلی۔ ہندوستانی کپتان نے 50 گیندوں پر 51 رن بنائے۔ انہوں نے اپنی اننگ میں 7 چوکے اور 2 چھکے لگائے۔ اس کے علاوہ شبھمن گل 40 رن جبکہ ایشان کشن 8 رن پر ناٹ آؤٹ لوٹے۔ شبھمن گل نے اپنی اننگ میں 6 چوکے لگائے۔ وہیں وراٹ کوہلی نے 11 رن بنائے۔
.@ShubmanGill finishes things off in style! #TeamIndia complete a comprehensive 8️⃣-wicket victory in Raipur and clinch the #INDvNZ ODI series 2️⃣-0️⃣ with more game to go 🙌🏻
Scorecard ▶️ https://t.co/tdhWDoSwrZ @mastercardindia pic.twitter.com/QXY20LWlyw
— BCCI (@BCCI) January 21, 2023
کیوی بلے بازوں کی شرمناک کارکردگی
اس سے پہلے ہندوستانی ٹیم کے کپتان روہت شرما نے ٹاس جیت کر فیلڈنگ کرنے کا فیصلہ کیا تھا۔ پہلے بلے بازی کرنے اتری نیوزی لینڈ کی ٹیم 34.3 اوور میں محض 108 رنوں پر سمٹ گئی۔ اس طرح ہندوستانی ٹیم کو میچ اور سیریز جیتنے کے لئے 109 رنوں کا ہدف ملا تھا۔ ہندوستانی گیند بازوں کے آگے نیوزی لینڈ کے 8 بلے باز دہائی کا اعدادوشمار نہیں پارکرسکے تھے۔ مہمان ٹیم کے لئے گلین فلپس نے سب سے زیادہ 36 رن بنائے۔ اس کے علاوہ گزشتہ میچ کے ہیرو مائیکل بریس ویل 22 جبکہ مچیل سیٹنر 27 رن بناکر آؤٹ ہوئے۔
ہندوستانی گیند بازوں نے برپا کیا قہر
ہندوستانی گیند بازوں کی بات کریں تو محمد شمی سب سے کامیاب گیند باز رہے۔ محمد شمی نے 6 اوور میں 18 رن دے کر 3 وکٹ حاصل کئے۔ اس کے علاوہ ہاردک پانڈیا اور واشنگٹن سندر کو2-2 کامیابی ملی۔ جبکہ محمد سراج، کلدیپ یاددو اور شاردل ٹھاکر نے 1-1 وکٹ اپنے نام کیا۔ بہرحال، ٹیم انڈیا نے اس جیت کے ساتھ ہی سیریز اپنے نام کرلیا۔ وہیں دونوں ٹیموں کے درمیان سیریز کا آخری میچ 24 جنوری کو اندور کے ہولکر اسٹیڈیم میں کھیلا جائے گا۔ ٹیم انڈیا آخری ونڈے جیت کرنیوزی لینڈ ٹیم کو کلین سوئپ کرنے کے ارادے سے میدان پر اترے گی۔
-بھارت ایکسپریس
