Imran Masood Joins Congress: عمران مسعود کانگریس میں شامل، لوک سبھا الیکشن لڑنے سے متعلق کہی یہ بڑی بات

Imran Masood Joins Congress: سابق بی ایس پی لیڈراورسینئرمسلم رہنما عمران مسعود ہفتہ کے روز(7 اکتوبر) کوکانگریس میں شامل ہوگئے۔ دہلی میں تنظیمی جنرل سکریٹری کے سی وینوگوپال کی موجودگی میں انہوں نے کانگریس کی رکنیت حاصل کی۔ اس موقع پر یوپی کے ریاستی صدر اجے رائے بھی موجود رہے۔ عمران مسعود پہلے کانگریس میں ہی تھے۔ تاہم سال 2022 اسمبلی انتخابات سے قبل انہوں نے کانگریس پارٹی چھوڑ دی تھی۔

کانگریس پارٹی سے استعفیٰ دینے کے بعد عمران مسعود سماجوادی پارٹی میں شامل ہوگئے تھے، لیکن وہاں بھی وہ زیادہ دنوں تک نہیں رہے اور اسمبلی انتخابات کے بعد وہ بی ایس پی میں چلے گئے تھے۔ کانگریس رکن پارلیمنٹ راہل گاندھی کی تعریف کرنے پرحال ہی میں بی ایس پی سربراہ اوریوپی کی سابق وزیراعلیٰ مایاوتی نے ڈسپلن شکنی کے الزام میں انہیں پارٹی سے نکال دیا تھا۔

राष्ट्रीय अध्यक्ष श्री मल्लिकार्जुन खरगे जी, जननायक श्री राहुल गांधी जी व दीदी प्रियंका गांधी जी के नेतृत्व में कांग्रेस पार्टी इस तानाशाह सत्ता के विरुद्ध अनवरत संघर्ष कर रही है।

इस संघर्ष में कदम मिलाने के लिए आज कांग्रेस मुख्यालय, दिल्ली में संगठन महासचिव @kcvenugopalmp जी के… pic.twitter.com/AeV6Hd7Uag

— UP Congress (@INCUttarPradesh) October 7, 2023

لوک سبھا الیکشن لڑنے سے متعلق کیا یہ دعویٰ

عمران مسعود نے راہل گاندھی کواصلی ہیرو بتاتے ہوئے کہا ہے کہ راہل گاندھی ہی بی جے پی کو روک سکتے ہیں۔ انہوں نے رکنیت حاصل کرنے سے پہلے کہا تھا کہ اسمبلی انتخابات میں کانگریس چھوڑکرسماجوادی پارٹی میں جاکروہ مطمئن تھے، لیکن بات نہیں بن پائی۔ اکھلیش یادونے ان سے کئے وعدے پورے نہیں کئے۔ کانگریس لیڈرعمران مسعود نے کہا کہ الیکشن کے دوران حامیوں کا بہت دباؤ تھا، اس لئے پارٹی چھوڑنے کا فیصلہ لیا تھا۔ پھربی ایس پی میں آگئے اورانہوں نے خود ہی معطل کردیا۔ انہوں نے کہا کہ کانگریس کا مستقبل کافی اچھا ہے۔ لوک سبھا الیکشن لڑنے سے متعلق سوال کے جواب میں کہا کہ پارٹی کو مضبوط کروں گا، اگرپارٹی ٹکٹ دے گی تو دیکھا جائے گا۔

یہ بھی پڑھیں:  Monu Manesar in Nuh Violence: جنید-ناصر کے قتل سانحہ کا ماسٹر مائنڈ مونو مانیسر کی رہائی کے لئے بجرنگ دل اور وی ایچ پی نے اٹھایا یہ بڑا قدم

بی ایس پی سے معطلی پرکہی یہ بڑی بات

بی ایس پی سے معطل کئے جانے سے متعلق عمران مسعود نے کہا کہ بی ایس پی میں میری سوچ تھی کہ سبھی کو ایک ساتھ مل کرکام کرنا چاہئے۔ مجھے نہیں معلوم کہ بہن جی (مایاوتی) کو کس نے کس طرح سے سمجھایا۔ میں نے صرف اتنا کہا تھا کہ یہ وقت کا مطالبہ ہے کہ آپ کو اپوزیشن اتحاد میں آنا چاہئے۔ اس وجہ سے انہوں نے مجھے نکال دیا۔