دہلی کے سابق وزیر اعلیٰ اروند کیجریوال
سپریم کورٹ کی طرف سے دی گئی 21 دن کی عبوری ضمانت کی میعاد ختم ہونے کے بعد اروند کیجریوال آج تہاڑ جیل حکام کے سامنے خودسپردگی کریں گے۔ اس سے پہلے کیجریوال سول لائنز علاقے میں واقع اپنی رہائش گاہ سے راج گھاٹ کے لیے روانہ ہوئے۔ کیجریوال نے راج گھاٹ پر مہاتما گاندھی کی سمادھی پر پھول چڑھائے۔ راج گھاٹ کے بعد کیجریوال کناٹ پلیس کے ہنومان مندر پہنچے۔ یہاں انہوں نے بھگوان ہنومان کے درشن کیے اور پوجا کی۔ اس کے بعد وزیر اعلیٰ عام آدمی پارٹی کے دفتر پہنچیں گے۔ یہاں وہ پارٹی کارکنوں اور رہنماؤں سے خطاب کریں گے۔
– کیجریوال نے کہا کہ ایگزٹ پول سے گھبرانے کی ضرورت نہیں ہے. آپ لوگوں کو یقین ہے کہ ہم جیت رہے ہیں۔ یہ الیکشن ملک اور جمہوریت کو بچانے کے لیے ہے۔
जेल में सरेंडर करने से पहले पार्टी कार्यालय में पार्टी के सभी जनप्रतिनिधि, कार्यकर्ता और सभी दिल्लीवासियों के नाम CM @ArvindKejriwal जी का संबोधन। LIVE https://t.co/WkxnOQ0L1U
— AAP (@AamAadmiParty) June 2, 2024
ایگزٹ پول کے بارے میں کیجریوال نے کہا کہ یہ سب فرضی ہیں۔ کیونکہ اوپر سے یہ ضرور آیا ہوگا کہ بی جے پی کو زیادہ سیٹیں دینی ہیں۔ کیجریوال نے کہا کہ انہیں تین دن پہلے فرضی ایگزٹ پول کرانے کی کیا ضرورت تھی۔ انہوں نے کہا کہ ایگزٹ پول پر بھروسہ نہ کریں۔
– سی ایم کیجریوال نے کہا کہ میں جیل جا رہا ہوں، پتہ نہیں کب واپس آؤں گا۔ لیکن میرے خون کا ایک ایک قطرہ ملک کے لیے ہے۔ انہوں نے کہا کہ ملک بچانے کے لیے جیل جا رہا ہوں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
