حکمراں جماعت بی جے پی کے دہلی سے رکن پارلیمنٹ رمیش بدھوڑی نے پارلیمنٹ میں ایسی زبان کا استعمال کیا ہے جو ایک جاہل شخص بھی استعمال کرنے سے گریز کرے گا۔ ایک ممبرپارلیمنٹ اور عوامی نمائندہ ہونے کے باوجود پارلیمنٹ کے اندرایسی گندی زبان کا استعمال کرتے ہیں تو اس کا مطلب یہ ہوتا ہے کہ آپ اندرسے اتنے ہی گندے ہیں ۔ رمیش بدھوڑی رکن پارلیمنٹ ضرور ہیں لیکن عوامی نمائندہ کہلانے کے حقدار نہیں۔ پارلیمنٹ میں جب آپ گندی زبان کا استعمال کرتے ہیں تو نہ صرف پارلیمنٹ کے وقار کو مجروح کرتے ہیں بلکہ آپ اپنی نااہلی کا بھی ثبوت فراہم کرتے ہیں ۔ رمیش بدھوڑی نے جو بیان پارلیمنٹ کے اندر دیا ہے اور کنوردانش علی کو جس انداز میں مخاطب کیا ہے اس سے بخوبی اندازہ ہوجاتا ہے کہ رمیش بدھوڑی مسلمانوں سے کتنی نفرت کرتے ہیں یا پھر مسلمانوں کے تئیں ان کی سوچ کتنی گری ہوئی اور گندی ہے۔
इस वीडियो में “चौंकाने वाला” कुछ नहीं है। भाजपा एक अथाह खाई है, इसलिए हर दिन एक नया निचला स्तर मिल जाता है। मुझे भरोसा है कि इसके खिलाफ कोई कार्रवाई नहीं होगी।संभावना है कि आगे इसे भाजपा दिल्ली प्रदेश अध्यक्ष बनाया जाएगा।आज भारत में मुसलमानों के साथ वैसा ही सुलूक हो रहा है, जैसा… pic.twitter.com/8ZOEXgn7Ul
— Asaduddin Owaisi (@asadowaisi) September 22, 2023
رمیش بدھوڑی کے گندے بول کی ہر جگہ مذمت ہورہی ہے،سیاسی ،سماجی گلیاروں میں اس کو باعث شرم قرار دیا جارہا ہے اور اراکین پارلیمنٹ اس کو پارلیمنٹ کا مذاق بتارہے ہیں ۔ خاص طور پر اپوزیشن کے رہنماوں نے رمیش کے بیان کو شرمناک اور خطرناک بتاتے ہوئے کہا کہ اس بیان سے یہ واضح ہوجاتا ہے کہ بی جے پی ہندوستان کے مسلمانوں کو کس نظر سے دیکھتی ہے۔ کانگریس پارٹی نے اپنے آفیشیل ایکس اکاونٹ پر اس گندی تقریر کو شیئر کرتے ہوئے لکھا ہے کہ ”پی ایم مودی، کیا آپ نے اپنے ایم پی رمیش بدھوڑی کا یہ بیان سنا؟ وہ ایک دوسرے ممبر کو اس کے مذہب کی بنیاد پر ایسی گالیاں دے رہے ہیں جو یہاں لکھی نہیں جاسکتیں ،پورا یقین ہے آپ نے سنا ہی ہوگا، اور اب آپ ان کا پرموشن ضرور کریں گے۔
PM मोदी, क्या आपने अपने सांसद रमेश बिधूड़ी का ये बयान सुना?
वो एक दूसरे सांसद को उनके धर्म के आधार पर ऐसी गालियां दे रहे हैं जो यहां लिखी नहीं जा सकतीं।
पूरा विश्वास है आपने सुना ही होगा, और अब आप इनका प्रमोशन जरूर करेंगे। pic.twitter.com/vckXA0pBIp
— Congress (@INCIndia) September 22, 2023
آل انڈیا مجلس اتحاد المسلمین کے صدر اور رکن پارلیمنٹ اسدالدین اویسی نے بھی رابطہ سائٹ ایکس پر اس ویڈیو کو شیئر کرتے ہوئے لکھا کہ ” اس ویڈیو میں چونکانےوالا کچھ نہیں ہے۔ بی جے پی ایک گہری کھائی ہے، اس لئے ہر دن ایک نئی،نچلی سطح مل جاتی ہے۔ مجھے بھروسہ ہے کہ اس کے خلاف کوئی کاروائی نہیں ہوگی۔ امکان ہے کہ آگے اس کو بی جے پی دہلی پردیش کا صدر بنایا جائے گا۔ آج بھارت کے مسلمانوں کے ساتھ ویسا ہی سلوک ہورہا ہے جیسا ہٹلر کے جرمنی میں یہودیوں کے ساتھ کیا جاتا تھا۔ میرا مشورہ ہے کہ نریندر مودی جلد اس ویڈیو کو عربی میں ترجمہ کریں اور اپنے حبیبی کو بھیجیں۔
इंसान की पहचान चेहरा नहीं; ज़ुबान होती है।
सत्ता के नशे में बेसुध भाजपा के एक सांसद द्वारा विपक्ष के एक अल्पसंख्यक सांसद को अति अभद्र तरीके से संबोधित करना किसी आपराधिक घटना से कम नहीं है। ये भाजपा की नकारात्मक राजनीति का निकृष्टतम रूप है जिसमें अन्य भाजपाई सांसदों का हँसते हुए…
— Akhilesh Yadav (@yadavakhilesh) September 22, 2023
سماجوادی پارٹی کے چیف اور یوپی کے سابق وزیراعلیٰ اکھلیش یادو نے کہا کہ انسان کی پہچان چہرہ نہیں، زبان ہوتی ہے۔ اکھلیش یادو نے کہا کہ اقتدار کے نشے میں دھت بی جے پی کے ایک رکن پارلیمنٹ کا اپوزیشن کے ایک اقلیتی رکن پارلیمنٹ سے انتہائی غیر مہذب انداز میں خطاب کرنا کسی مجرمانہ واقعہ سے کم نہیں۔ یہ بی جے پی کی منفی سیاست کی بدترین شکل ہے جس میں بی جے پی کے دیگر ارکان پارلیمنٹ کی ہنسی یہ ظاہر کرتی ہے کہ یہ کسی ایک بی جے پی شخص کا قصور نہیں ہے بلکہ یہ بی جے پی کے اکثریتی ارکان کی بے شرمی کا مظاہرہ ہے۔ایسے ممبران پارلیمنٹ کے خلاف قانونی چارہ جوئی کی جانی چاہیے اور ان پر تاحیات پابندی عائد کی جانی چاہیے چونکہ وہ نہ صرف کسی ایک رکن پارلیمنٹ کو نہیں بلکہ پوری پارلیمنٹ اور آئین کو بدنام کر رہے ہیں۔
این سی پی کا بدھوڑی کے خلاف کارروائی کا مطالبہ
وہیں نیشنلسٹ کانگریس پارٹی (این سی پی) نے جمعہ کے روز لوک سبھا اسپیکر اوم برلا سے بی جے پی کے رکن پارلیمنٹ رمیش بدھوڑی کے خلاف کارروائی کرنے کا مطالبہ کیا۔ شرد پوار کے زیرقیادت این سی پی کے قومی ترجمان کلائیڈ کرسٹو نے میڈیا کو بتایا، “اس سے بھی بدتر بات یہ ہے کہ بی جے پی کے ممبران پارلیمنٹ ہرش وردھن اور روی شنکر پرساد اسے بولنے یا اسے درست کرنے سے روکنے کی کوشش کرنے کے بجائے اس پر ہنس رہے تھے۔” کرسٹو نے پوچھا کہ بدھوڑی کو ابھی تک معطل کیوں نہیں کیا گیا؟ انہوں نے کہا، “لوک سبھا کے اسپیکر کو فوری کارروائی کرنی چاہئے۔ کیا بی جے پی انہیں پارٹی سے معطل کرے گی یا انہیں ترقی دی جائے گی؟
بھارت ایکسپریس۔
