ہیمنت سورین پانچ ماہ بعدرانچی جیل سے ہوئے رہا
جھارکھنڈ کے سابق وزیر اعلیٰ ہیمنت سورین کو زمین گھوٹالہ معاملے میں بڑی راحت ملی ہے۔ انہیں جھارکھنڈ ہائی کورٹ سے ضمانت ملنے کے بعد جمعہ کو رہا کر دیا گیا۔ وہ شام 4 بجے جیل سے باہر آئے۔ جھارکھنڈ کے سابق وزیر اعلیٰ ہیمنت سورین کو پانچ ماہ بعد جیل سے رہا کر دیا گیا ہے۔ جھارکھنڈ ہائی کورٹ نے ہیمنت سورین کی درخواست ضمانت پر فیصلہ سنایا تھا۔ آپ کو بتا دیں کہ 13 جون کو سماعت کے دوران انفورسمنٹ ڈائریکٹوریٹ (ای ڈی) اور دفاعی فریق کی طرف سے دلائل مکمل ہونے کے بعد فیصلہ محفوظ کر لیا گیا تھا۔
#WATCH | Former Jharkhand CM & JMM leader Hemant Soren released on bail from Birsa Munda jail in Ranchi
He was granted bail by Jharkhand HC in a land scam case. pic.twitter.com/uyuCsSP7NT
— ANI (@ANI) June 28, 2024
ہیمنت سورین جب جیل سے باہر آئے تو وہ اپنی بڑی داڑھی کے ساتھ پراعتماد نظر آئے۔ اس دوران حامی بھی پہنچ گئے ۔ جیل سے باہر آنے کے بعد ہیمنت سورین نے کارکنوں کی مبارکباد قبول کی۔
دراصل، جھارکھنڈ کے سابق وزیر اعلیٰ ہیمنت سورین پر 31 کروڑ روپے سے زیادہ کی 8.86 ایکڑ زمین غیر قانونی طور پر حاصل کرنے کا الزام ہے۔ ہیمنت سورین کو 31 جنوری کو ای ڈی نے وزیر اعلیٰ کے عہدے سے استعفیٰ دینے کے فوراً بعد، مبینہ زمین گھوٹالے سے متعلق منی لانڈرنگ کیس میں گرفتار کیا تھا، جس کے بعد وہ رانچی کے ہوتوار میں واقع برسا منڈا جیل میں ہیں۔
اس معاملے میں ای ڈی نے 191 صفحات کی چارج شیٹ میں ہیمنت سورین، راجکمار پہاڑ، ہلاریاس کچپ، بھانو پرتاپ پرساد اور بنود سنگھ کو ملزم بنایا ہے۔ زمین کا وہ ٹکڑا بھی ای ڈی نے 30 مارچ کو منسلک کیا ہے اور اس کی قیمت 31.07 کروڑ روپے سے زیادہ ہے۔ مرکزی ایجنسی کو 2022 میں رانچی کے مرہابادی میں وزارت دفاع کے 4.55 ایکڑ اراضی اسکام سے متعلق منی لانڈرنگ کیس کی تحقیقات کے دوران مذکورہ اراضی گھوٹالہ کی بھنک ملی۔ ای ڈی کے مطابق، تحقیقات میں پتہ چلا ہے کہ کچھ پرائیویٹ افراد کے ایک گروپ نے سرکاری افسران کے ساتھ مل کر جعلی دستاویزات بنا کر 8.86 ایکڑ اراضی ہتھیا لی، جن میں سابق ڈی سی رانچی چھاوی رنجن اور بھانو پرتاپ پرساد (حکومت کے محکمہ ریونیو کے سب انسپکٹر) شامل ہیں۔ جھارکھنڈ نے لیا تھا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
