مدھیہ پردیش کے گنا میں حادثہ میں 12 افراد جاں بحق ہوگئے۔
Guna Bus Fire: مدھیہ پردیش کے گنا ضلع میں بدھ (27 دسمبر) کو ڈمپر ٹرک سے ٹکرانے کے بعد ایک بس میں آگ لگنے کے بعد ایک بس میں آگ لگنے سے کم ازکم 12 افراد کی موت ہوگئی۔ اس حادثے میں 14 مسافرزخمی ہوگئے۔ زخمیوں کو ضلع اسپتال میں داخل کرایا گیا ہے اور خطرے سے باہر ہیں۔ پولیس افسرکے مطابق، حادثہ رات میں تقریباً 9 بجے گنا آرون روڈ پرپیش آیا جب مخالف سمت سے آرہا ڈمپر ٹرک مسافروں کو لے جارہی بس سے ٹکرا گیا۔ اس کے بعد بس پلٹ گئی اوراس میں آگ لگ گئی۔
حادثے پروزیراعلیٰ موہن یادو نے افسوس کا اظہارکیا ہے۔ ساتھ ہی انہوں نے معاوضے کا اعلان کیا۔ وزیراعلیٰ نے ایکس (ٹوئٹر) پر لکھا، ”گنا سے آرون جارہی بس میں خطرناک آگ سے مسافروں کے جاں بحق ہونے کی خبرانتہائی افسوسناک ہے۔ اس دل دہلا دینے والے حادثے میں بے وقت ہلاک ہونے والوں کے اہل خانہ سے میری تعزیت ہے۔ غم کی اس سنگین گھڑی میں ریاستی حکومت متاثرین کے اہل خانہ کے ساتھ کھڑی ہے۔
وزیراعلیٰ موہن یادو کا کہنا تھا کہ ‘میں نے انتظامیہ کو حکم دیا ہے کہ وہ زخمی مسافروں کے مناسب علاج کے انتظامات کریں اور حادثے کی تحقیقات بھی کریں، تاکہ مستقبل میں ایسے حادثات دوبارہ رونما نہ ہوں’۔
गुना से आरोन जा रही बस में भीषण आग से यात्रियों के हताहत होने का समाचार अत्यंत दुःखद है।
इस हृदय विदारक दुर्घटना में असमय मृत्यु को प्राप्त हुए दिवंगतों के परिजनों के साथ मेरी संवेदनाएं हैं। दुःख की इस विकट परिस्थिति में प्रदेश सरकार पीड़ित परिवारों के साथ खड़ी है।
मैंने…
— Dr Mohan Yadav (@DrMohanYadav51) December 27, 2023
معاوضے کا اعلان
وزیراعلیٰ موہن یادو نے ضلع انتظامیہ کو بس حادثہ میں مہلوکین کے اہل خانہ کو 4-4 لاکھ روپئے اورشدید طور پرزخمیوں کو 50-50 ہزار روپئے کی امداد دینے کے احکامات دیئے ہیں۔ وہیں مرکزی وزیربرائے شہری ہوا بازی جیوتی رادتیہ سندھیا نے کہا کہ حادثہ کی جانکاری ملنے کے فوراً بعد میں نے کلیکٹر اورایس پی (پولیس سپرنٹنڈنٹ) سے بات کی اورانہیں راحت اور بچاو مہم شروع کرنے کا حکم دیا۔
-بھارت ایکسپریس
