وینس، اٹلی: ریلائنس فاؤنڈیشن کی چیئرپرسن نیتا امبانی اور ان کی صاحبزادی ایشا امبانی نے 61ویں انٹرنیشنل آرٹ ایگزیبیشن’لا بینالے دی وینیزیا‘ میں انڈیا پویلین کے افتتاح کے موقع پر ایک خصوصی NMACC عشائیے کی میزبانی کی، جس نے عالمی فن، ثقافت اور فیشن کی شخصیات کو ایک پلیٹ فارم پر جمع کر دیا۔یہ شام صرف ایک رسمی عشائیہ نہیں تھی بلکہ مختلف تہذیبوں، روایات اور جدید فن کے درمیان ایک بامعنی مکالمے کی صورت اختیار کر گئی۔ تقریب میں دنیا بھر سے آئے فنکاروں، ثقافتی لیڈروں اور تخلیقی شعبوں سے وابستہ شخصیات نے شرکت کی اور ہندوستانی فن، دستکاری اور ثقافتی ورثے کو بھرپور خراج تحسین پیش کیا۔
ایشا امبانی نے ’نیتا مکیش امبانی کلچرل سینٹر‘ تشکیل سے متعلق بتایا
اس موقع پر ایشا امبانی نے اپنی والدہ نیتا امبانی کو خراج عقیدت پیش کرتے ہوئے کہا کہ وہ صرف ایک کاروباری اور سماجی شخصیت ہی نہیں بلکہ کلاسیکی بھارتی رقص کی ماہر، استاد اور معلمہ بھی ہیں، جن کے وژن نے’نیتا مکیش امبانی کلچرل سینٹر‘ (NMACC) کی بنیاد رکھی۔ ایشا امبانی نے کہا کہ NMACC دراصل ان کی والدہ کی اس دیرینہ خواہش کا نتیجہ ہے کہ ہندوستانی تخلیقی اظہار کو دنیا کے سب سے بڑے ثقافتی اسٹیجز پر نمایاں مقام حاصل ہو۔
مہمانوں کا اظہار تشکر
دنیا بھر سے آئے مہمانوں سے خطاب کرتے ہوئے ایشا امبانی نے ان کا شکریہ ادا کیا اور کہا کہ 61ویں وینس بینالے میں انڈیا پویلین کی موجودگی مختلف ثقافتوں کے درمیان ایک نئے ربط اور مکالمے کی شروعات ہے۔ انہوں نے کہا کہ یہ تقریب فن، دوستی اور ثقافتی اشتراک کا جشن تھی، جو آنے والے وقت میں مزید مضبوط ہوگا۔
آرسینالے دی وینیزیا میں قائم یہ پویلین ہندوستانی شناخت
تقریب کے دوران “Geographies of Distance: Remembering Home” کے عنوان سے قائم انڈیا پویلین بھی توجہ کا مرکز رہا، جس کی نگرانی معروف کیوریٹر ڈاکٹر امین جعفر نے کی۔ آرسینالے دی وینیزیا میں قائم یہ پویلین ہندوستانی شناخت، یادوں اور ثقافتی جڑوں کو جدید فن کے ذریعے پیش کرتا ہے۔یہ شام اس وژن کی عکاس بنی جسے نیتا امبانی برسوں سے حقیقت کا روپ دینا چاہتی تھیں — کہ ہندوستانی فن اور ثقافت عالمی سطح پر اپنی منفرد شناخت کے ساتھ جگمگائیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
