نئی دہلی: غالب انسٹی ٹیوٹ ایک علمی اورثقافتی ادارہ ہے۔ اس ادارے کے زیراہتمام مختلف ادبی پروگراموں کا انعقاد کیا جاتا ہے۔ غالب انسٹی ٹیوٹ نے اسی ضمن میں ایک شام صحافیوں کے ساتھ منعقد کیا، جس میں دہلی کے سینئرصحافیوں سے لے کرنوجوان صحافیوں نے شرکت کی اور پروگرام کوکامیاب بنانے میں اہم کردار ادا کیا۔ ایوان غالب میں منعقدہ اس مشاعرے کی صدارت سینئر صحافی معصوم مرادآبادی نے کی۔ بطورمہمان خصوصی ودود ساجد تشریف لائے۔ سینئر صحافی شکیل حسن شمسی اور اسد رضا نے بطورمہمانان ذی وقار شرکت کی۔ نظامت کے فرائض معروف ناظم مشاعرہ معین شاداب نے انجام دیئے۔
غالب انسٹی ٹیوٹ کے ڈائریکٹر ڈاکٹرادریس احمد نے مہمانوں کا استقبال کرتے ہوئے کہا کہ اردوادب میں صحافیوں کی خدمات قابل فخرہیں، لیکن اکثران کی ادبی خدمات عوام سے پوشیدہ رہ جاتی ہیں۔ اسی سبب ہم نے ایک ایسا مشاعرہ منعقد کیا ہے، جس کے صدر، ناظم، مہمان خصوصی اورشعرا سبھی صحافی ہیں۔ صدارتی خطاب میں سینئر صحافی معصوم مرادآبادی نے غالب انسٹی ٹیوٹ کی کوششوں کی تعریف کی اور اس طرح کے پروگراموں کے انعقاد پر زور دیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
