یورپی یونین، بیلجیئم، ڈنمارک اور جرمنی کے سفیروں نے آج اڈانی گروپ کے چیئرمین گوتم اڈانی سے ان کے دفتر میں ملاقات کی۔ خود اڈانی نے اپنے سوشل میڈیا پلیٹ فارم ایکس پر اس کی تصویر شیئر کرتے ہوئے یہ جانکاری دی۔ اڈانی نے لکھا کہ مختلف ممالک کے سفیروں کی میزبانی کرنا میرے لیے اعزاز کی بات ہے۔
It was a privilege to host the ambassadors from the EU, Belgium, Denmark and Germany at our office. I deeply appreciate their visit to the world’s largest renewable energy park in Khavda, Gujarat, and India’s largest port, logistics and industrial hub in Mundra. Our discussions… pic.twitter.com/RECIKxbfkc
— Gautam Adani (@gautam_adani) November 12, 2024
واضح رہے کہ ان سفیروں نے کھاوڈا، گجرات اور موندرا پورٹ میں اڈانی کے دنیا کے سب سے بڑے قابل تجدید توانائی پارک کا بھی دورہ کیا۔ اس بارے میں گوتم اڈانی نے اپنی پوسٹ میں کہا کہ میں کھاوڈا ، گجرات میں دنیا کے سب سے بڑے قابل تجدید توانائی پارک اور موندرا میں ہندوستان کی سب سے بڑی بندرگاہ، لاجسٹکس اور صنعتی مرکز کے ان کے دورے کی بہت تعریف کرتا ہوں۔ انہوں نے مزید لکھا کہ ان کی سفیروں کے ساتھ بہت معلوماتی گفتگو ہوئی۔ جس سے ہندوستان کی توانائی کی منتقلی کو آگے بڑھانے اور ہائیڈروجن ماحولیاتی نظام کو تیز کرنے میں مدد ملے گی۔
اڈانی نے کہا کہ سفیروں کے ساتھ اس ملاقات میں ہندوستان کی عالمی شراکت داری کو مزید مضبوط بنانے پر توجہ مرکوز کی گئی۔ ہم اپنے قابل تجدید توانائی کے اقدامات کو آگے بڑھارہے ہیں تاکہ ایک متوازن توانائی کے مرکب کو یقینی بنایا جا سکے جو پورے ہندوستان کے لیے ایک پائیدار مستقبل کی حمایت کرتا ہے۔واضح رہے کہ کھاوڈا ، گجرات میں دنیا کا سب سے بڑا قابل تجدید توانائی پارک ہے۔ اس میں تقریباً 81 ارب یونٹ بجلی پیدا کرنے کی صلاحیت ہے۔ معلومات کے مطابق یہ پارک تقریباً 72600 ہیکٹر کے رقبے پر پھیلا ہوا ہے۔ یاد رہےکہ سال 2030 تک غیر فوسل ذرائع سے 500 گیگا واٹ بجلی پیدا کرنے کا ہدف مقرر کیا گیا ہے۔
بھارت ایکسپریس۔
