جی-20 سمٹ 2023 کا کامیاب انعقاد ہوا۔
G20 Summit Updates: دہلی میں 9 اور 10 ستمبر کو دو دنوں تک جی-20 کا اجلاس چلے گا۔ 19 ممالک سے لیڈران آئیں گے۔ پوری دہلی کو سجا دیا گیا ہے۔ سیکورٹی بھی بڑھا دی گئی ہے۔ اس دوران کئی پابندیاں بھی دہلی والوں کو جھیلنی پڑے گی۔ حالانکہ اس دوران اسپتال اور میڈیکل اسٹورس پوری طرح سے کھلے رہیں گے۔ وہیں آن لائن ڈیلیوری نہیں ہوسکے گی۔ ایسے میں پزّا-برگراوردیگر کھانے پینے کی چیزوں کی ڈیلیوری نہیں ہوسکے گی۔
دہلی پولیس نے ایک ٹویٹ میں کہا کہ ‘پوری دہلی کھلی ہے، صرف این ڈی ایم سی علاقے کے ایک چھوٹے سے حصے میں پابندیاں لگائی جائیں گی۔ یہ بات ہمارے علم میں آئی ہے کہ بعض خبر رساں ایجنسیاں گمراہ کن سرخیاں لگا کر جی-20 سربراہی اجلاس کے تناظر میں لگائی جانے والی پابندیوں کے بارے میں غلط بیانی اور پروپیگنڈہ کر رہی ہیں، جس کی وجہ سے عوام الناس اور نیوز ریڈرز کے ذہنوں میں ابہام کی صورتحال پیدا ہو رہی ہے۔ یہ دہرایا جاتا ہے کہ پابندی صرف این ڈی ایم سی پرہے۔ علاقے کے ایک چھوٹے سے حصے میں لگائے گئے ہیں۔ ہماری گزارش ہے کہ خبر رساں ادارے ہماری ہدایات کے مطابق درست تفصیلات شائع کریں، تاکہ کوئی ابہام پیدا نہ ہو۔
महत्वपूर्ण जानकारी
अफवाहों पर विश्वास न करें!#G20Summit pic.twitter.com/gecINlasl3— Delhi Police (@DelhiPolice) September 5, 2023
دہلی ٹریفک پولیس کے اسپیشل پولیس کمشنرایس ایس یادو نے کہا کہ صرف ایمرجنسی خدمات جیسے ڈاک، میڈیکل، لیب ٹسٹ کے نمونے لینے کی اجازت رہے گی۔ دواؤں کو چھوڑکرسبھی آن لائن ڈیلیوری خدمات غیرمستقل طورپرپابندیاں رہیں گی۔ کامرشیل سرگرمیوں کی اجازت نہیں رہے گی۔
سپریم کورٹ میٹرو اسٹیشن بند رہے گا
پولیس کمشنرایس ایس یادو نے بتایا کہ وی آئی پی موومنٹ اورسیکورٹی وجوہات کے سبب میٹرواسٹیشنوں پر 15-10 منٹ کے لئے گیٹ بند ہوسکتے ہیں، لیکن سپریم کورٹ میٹرواسٹیشن پوری طرح سے بند رہے گا۔ دیگراسٹیشنوں پرمیٹرو خدمات متاثر نہیں ہوں گی۔ انہوں نے کہا کہ ضلع کے اندرہوٹل بکنگ، ریلوے، ایئرپورٹ جانے والے مسافروں کو اپنے بورڈنگ پاس اوربکنگ دستاویزدکھانے کے بعد ہی جانے دیا جائے گا۔ جی-20 لیڈران کی سربراہی کانفرنس 9 سے 10 ستمبرتک دہلی میں نوتعمیرشدہ انٹرنیشنل کنونشن اینڈ ایگزیبیشن سینٹرمیں منعقد ہونے والی ہے۔ اسے بھارت منڈپم کے نام سے جانا جاتا ہے۔
#WATCH | Delhi | Pragati Maidan all decked up to welcome the delegates for the G20 Summit that will be held on September 9-10. pic.twitter.com/d0btGL2XCB
— ANI (@ANI) September 4, 2023
ایک ساتھ 10 ہزار افراد کے بیٹھنے کا انتظام
پرگتی میدان کی تعمیرنوکا کام 2017 میں ایک قومی پروجیکٹ کے تحت شروع کیا گیا تھا، جس کی لاگت 2700 کروڑروپئے ہے۔ بھارت منڈپم کی تعمیرپر750 کروڑ روپئے خرچ ہوئے ہیں۔ بھارت منڈپم 123 ایکڑپرپھیلا ہوا ہے، جسے ملک کے سب سے بڑے کنونشن سنٹرکا درجہ مل چکا ہے۔ یہاں بیک وقت 10 ہزارلوگوں کے بیٹھنے کا انتظام ہے۔
نظر آتی ہے ہندوستانی ثقافت اور ورثے کی جھلک
بھارت منڈپم تین منزلوں پر مشتمل ہے۔ جس کی ہر منزل پر ہندوستانی ثقافت اور ورثے کی جھلک دیکھی جا سکتی ہے۔ منڈپم کو بہت اچھی طرح سے سجایا گیا ہے۔ ہر کمرے سے لے کر ہر جگہ ہندوستانی روایتی تنوع، فن اور ثقافتی ورثے کی ملی جلی جھلک دیکھی جا سکتی ہے۔
