پاکستان میں ایک دہشت گرد کے جنازے میں پاکستانی فوجی اور سرکاری اہلکاروں کی موجودگی نے بین الاقوامی سطح پر تنازع کھڑا کر دیا ہے۔ سوشل میڈیا پلیٹ فارم ایکس پر وائرل ہونے والی تصویر میں دیکھا جا سکتا ہے کہ اس جنازے میں کئی فوجی افسران اور سول ڈریس میں حکومتی نمائندے موجود تھے۔تصویر میں ایک مولوی جنازہ پڑھاتے ہوئے نظر آرہا ہے، جب کہ سامنے دو تابوت رکھے گئے ہیں، جن پر پھول اور کبوتر کی علامت بنی ہوئی ہے۔ اس واقعے نے ایک بار پھر پاکستان پر دہشت گردی کی حمایت کے الزامات کو ہوا دی ہے۔
جوڈیا پرل نے سوالات کی برسات کردی
اس واقعے پر رد عمل ظاہر کرتے ہوئے صحافی ڈینیئل پرل کے والد جوڈیا پرل نے 9 مئی 2025 کو ایکس پر تیکھے سوالات اٹھائے۔ انہوں نے لکھا، “میں چاہتا ہوں کہ یہ معزز لوگ ہمیں بتائیں: آپ کس چیز کا ماتم کر رہے ہیں؟ آپ اپنے بچوں کے لیے کیسا رول ماڈل چاہتے ہیں؟ آپ نے اس شخص سے کیا سیکھا؟”جوڈیا پرل کے سوالات نے پاکستانی حکومت اور فوج کی نیتوں پر سنگین سوالات کھڑے کر دیے ہیں۔
I wish these dignitaries could tell us: “What exactly are you mourning? What role models you wish your children to revere? What have you learned from this man? https://t.co/Z6DRQFJvkR
— Judea Pearl (@yudapearl) May 9, 2025
بھارت کا آپریشن سندور
آپ کو بتاتے چلیں کہ 6 مئی کی رات ہندوستان نے آپریشن سندور کے تحت پاکستان میں جیش محمد کی اعلیٰ قیادت کو نشانہ بنایا تھا۔ اس آپریشن میں دہشت گرد تنظیم کے سربراہ عبدالرؤف اظہر سمیت کئی بڑے دہشت گرد مارے گئے۔ بھارت کی اس کارروائی کو دہشت گردی کے خلاف بڑی کامیابی قرار دیا جا رہا ہے لیکن پاکستان میں اس جنازے نے یہ سوال اٹھائے ہیں کہ کیا وہاں دہشت گردی کو اب بھی حکومتی حمایت حاصل ہے؟
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
