Opposition Parties Meeting: کرناٹک کے بنگلورو میں اپوزیشن کے لیڈروں کی عشائیہ میٹنگ ختم ہوگئی۔ اپوزیشن رہنما جلسہ گاہ سے جاچکے ہیں۔ اپوزیشن اتحاد کی کوشش میں منعقدہ اس میٹنگ کے پہلے دن کانگریس چیئرپرسن سونیا گاندھی کی جانب سے عشائیہ کا اہتمام کیا گیا تھا جس میں قریب دو درجن پارٹیوں کے رہنماوں نے شرکت کی اور لذیذ پکوان کا لطف اٹھایا۔ آج کی میٹنگ میں اتحاد سے متعلق بہت زیادہ کچھ باتیں نہیں ہوئیں البتہ ایک فریم میں جمع ہوکر طاقت کا مظاہرہ کرنے کی ضرور کوشش کی گئی ۔ اپوزیشن اتحاد کیلئے اصل میٹنگ کل ہوگی جس میں دو درجن سے زائد پارٹیوں کے رہنما این ڈی اے کے خلاف ایک نئے متحدہ محاذ کا خاکہ تیار کریں گے۔
Suddenly the NDA is being sought to be revived years after it had become a farce. This is the direct impact of 26 Opposition parties coming together. After the Patna conclave on June 23rd, and the fact that more parties are attending the Bengaluru conclave tomorrow, the BJP is…
— Jairam Ramesh (@Jairam_Ramesh) July 17, 2023
بی جے پی میں گھبراہٹ پیدا ہوگئی: جئے رام رمیش
کانگریس لیڈر جے رام رمیش نے ٹویٹ کیا کہ این ڈی اے کو بحال کرنے کی کوششیں کی جا رہی ہیں جو پچھلے کئی سالوں سے محض ایک دھوکہ بنی ہوئی تھی۔ یہ 26 اپوزیشن جماعتوں کے اکٹھے ہونے کا سیدھا اثر ہے۔ 23 جون کو پٹنہ میں ایک کامیاب میٹنگ ہوئی۔ بنگلورو میں ہونے والی میٹنگ میں مزید پارٹیاں حصہ لے رہی ہیں۔ اس سے گھبرا کر بی جے پی این ڈی اے کو مضبوط کرنے کی کوشش کر رہی ہے۔
Well begun is half done!
Like-minded opposition parties shall closely work together to foster an agenda of social justice, inclusive development and national welfare.
We want to free the people of India from the autocratic and anti-people politics of hate, division, economic… pic.twitter.com/rhPxmpgL3x
— Mallikarjun Kharge (@kharge) July 17, 2023
اچھی شروعات کا مطلب آدھا کام ہوگیا: کھرگے
کانگریس صدر ملک ارجن کھرگے نے ٹویٹ کیا کہ اچھی شروعات کا مطلب ہے کہ آدھا کام ہو گیا ہے۔ ہم خیال اپوزیشن جماعتیں سماجی انصاف، جامع ترقی اور قومی بہبود کے ایجنڈے کو فروغ دینے کے لیے مل کر کام کریں گی۔ ہم ہندوستان کے لوگوں کو نفرت، تقسیم، معاشی عدم مساوات اور لوٹ مار کی ظالمانہ اور عوام دشمن سیاست سے نجات دلانا چاہتے ہیں۔ ہم ایک ایسا ہندوستان چاہتے ہیں جس میں انصاف، آزادی، مساوات اور بھائی چارے کے آئینی اصولوں کے تحت حکومت ہو۔ ہم ایک ایسا ہندوستان چاہتے ہیں جو کمزور ترین لوگوں کو امید اور اعتماد فراہم کرے۔ ہم اس ہندوستان کے لیے متحد ہیں۔
بھارت ایکسپریس۔
