وزیر اعظم نریندر مودی نے جمعرات کو واضح کیا کہ امریکہ چاہے کتنا بھی ٹیرف بڑھائے، ہندوستان کسی بھی ملک کے سامنے نہیں جھکے گا۔ انھوں نے کہا کہ ہمارے کسانوں کا مفاد ہماری اولین ترجیح ہے۔ بھارت اپنے کسانوں، مویشی پالنے والے کسانوں اور ماہی گیروں بھائیوں اور بہنوں کے مفادات سے کبھی سمجھوتہ نہیں کرے گا۔
پی ایم مودی کے اس بیان کا اتر پردیش، راجستھان اور مدھیہ پردیش کے کسانوں نے خیر مقدم کیا ہے۔ اتر پردیش کے بستی ضلع کے ایک کسان نے کہا کہ پی ایم مودی نے جو کہا ہے وہ قابل ستائش ہے۔ حکومت ہند ہمیشہ سے یہی سوچتی رہی ہے۔ کسانوں کی تیار کردہ اشیا مارکیٹ میں دستیاب ہیں۔ ایک بزرگ کسان رام للن نے کہا کہ ہم اپنے ملک میں پیدا ہونے والا اناج کھائیں گے۔ پی ایم مودی اور سی ایم یوگی نے کسانوں کے لیے بہت کام کیا ہے۔ ہمارا ملک کسی کے سامنے جھکنے والا نہیں۔
وہیں گلاب اپادھیائے نامی کسان نے کہا کہ پی ایم مودی کا کام ملک کے لیے اچھا ہے۔ ہمارے پاس اس پر کہنے کو کچھ نہیں ہے کہ غیر ملکی رہنما کیا کہہ رہے ہیں لیکن میں یہ ضرور کہنا چاہوں گا کہ ہمارا ملک کسی بھی قیمت پر کوئی سمجھوتہ نہیں کرے گا۔ ایک بزرگ کسان نے کہا کہ پی ایم مودی نے جو بھی کہا ہے وہ درست ہے۔ ہم ان کے بیان کی تائید کرتے ہیں۔ پورا ہندوستان پی ایم مودی کے ساتھ کھڑا ہے۔ ہم امید کرتے ہیں کہ وہ جو بھی فیصلہ کریں گے وہ ہمارے مفاد میں لیں گے۔
ہم کسی ملک کے سامنے جھکنےکو تیار نہیں: کسان
ایک اور کسان نے کہا کہ ہم کسی ملک کے سامنے جھکنے کو تیار نہیں ہیں۔ امریکہ جو چاہتا ہے وہ نہیں ہونے والا۔ وہ اپنے منصوبوں میں کامیاب نہیں ہونے والا ہے۔ امیٹھی کی ایک خاتون کسان ریتا سنگھ نے کہا کہ وزیر اعظم مودی کا امریکہ کے سامنے نہ جھکنے کا بیان بہت قابل ستائش ہے۔ ملک بھر کے کسان اس کے لیے وزیر اعظم کا شکریہ ادا کرتے ہیں۔
مدھیہ پردیش کے نیمچ ضلع کے ایک کسان نے کہا کہ امریکہ کی طرف سے ہم پر ڈالے جا رہے دباؤ کی مخالفت کرتے ہیں اور ہم وزیر اعظم مودی کے ساتھ کھڑے ہیں۔ وزیر اعظم کسانوں کے لیے بہت سی فائدہ مند اسکیمیں چلا رہے ہیں۔ کھنڈوا کے ایک کسان نے کہا کہ وزیر اعظم مودی کے فیصلے کی جتنی بھی تعریف کی جائے کم ہے۔ میں دل کی گہرائیوں سے ان کا شکریہ ادا کرتا ہوں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
