جنک پوری تھانہ پولیس کی گرفت میں ملزم۔
Haryana Head Constable Murder Case: دہلی کی جنک پوری پولیس نے ہریانہ میں ہیڈ کانسٹبل کے قتل معاملے میں فرارچل رہے ملزم ارون عرف کنہیا عرف چورا ولد سیوا رام کو گرفتارکرلیا۔ پولیس نے ملزم کے پاس سے ایک دیسی پستول اوردوزندہ کارتوس برآمد کئے ہیں۔
جانکاری کے مطابق، 22 فروری کو جنک سنیما کے پاس ایس ایچ او یشپال اوراے سی پی راجوری گارڈن کی قیادت میں ایک ٹیم روٹین چیکنگ کررہی تھی۔ اس دوران ٹیم کو ایک مشتبہ نظرآیا تواسے روکنے کا اشارہ کیا، لیکن موقع دیکھ کروہ فرار ہونے لگا۔ اس کے بعد وہاں موجود ہیڈ کانسٹبل نریش، پروین اوررام کیش نے مستعدی دکھاتے ہوئے ملزم کا پیچھا کرکے اسے دبوچ لیا۔
پولیس نے شک کی بنیاد پر روک کرپوچھ گچھ کی
پولیس کی ٹیم نے پکڑکرنوجوان کی تلاشی لی تواس کے پاس سے دو دیسی پستول اور 2 زندہ کارتوس برآمد ہوئے۔ تھانے لے جاکرسختی سے پوچھ گچھ کے بعد اس نے قبول کیا کہ اس نے 2 ساتھیوں سندیپ اور انمول کے ساتھ مل کر12 فروری کوہریانہ کے سونی پت میں ہیڈ کانسٹبل کا قتل کرکے ان کی کارلوٹ لی اور فرار ہوگئے۔
کیا ہے پورا معاملہ
جانکاری کے مطابق، روہت کے جسیا گاؤں کے باشندہ پرمود موہانا تھانہ میں بطور ہیڈ کانسٹبل تعینات تھے۔ وہ پیرکی رات 11 بجے اپنی کارمیں سوار ہوکر موہانا تھانے سے گھرکے لئے نکلے تھے۔ اس کے بعد ان کی لاش رات میں ساڑھے 12 بجے موہانا واقع روکھی گاؤں میں ایک دوکان کے پاس ملی تھی۔ ان کے سینے میں گولی مارکر قتل کردیا گیا تھا۔ معاملے میں ابھی تک ہریانہ ایس ٹی ایف ایک ملزم سندیپ کو تصادم کے بعد پکڑچکی ہے۔ وہیں تیسرے ملزم کی تلاش جاری ہے۔
بھارت ایکسپریس۔
