دہلی میں آج آل انڈیا امام آرگنائزیشن کی میٹنگ ہوگی، جس میں بی جے پی اور آرایس ایس کے لیڈران کی شرکت متوقع ہے۔
نئی دہلی: آل انڈیا امام آرگنائزیشن کی ایک بڑی میٹنگ جمعرات کودہلی کے ہریانہ بھون میں ہوگی۔ اس میں ملک بھرسے کئی ائمہ کرام کو مدعوکیا گیا ہے۔ آرایس ایس مسلم راشٹریہ منچ کے سرپرست اندریش کماراوربی جے پی کے سنگٹھن (تنظیم) کے سکریٹری بی ایل سنتوش بھی میٹنگ میں شرکت کریں گے۔ راشٹریہ سیوم سیوک سنگھ (آرایس ایس) کے کچھ دیگرسینئرعہدیداربھی میٹنگ میں شرکت کرسکتے ہیں۔ ذرائع سے ملی اطلاع کے مطابق، آرایس ایس کے سربراہ موہن بھاگوت بھی اس پروگرام میں حصہ لے سکتے ہیں۔
مولانا عمیراحمد الیاسی کریں گے قیادت
دراصل، آل انڈیا امام آرگنائزیشن (اے آئی آئی او) ہندوستان کے ائمہ کرام کی ایک بڑی تنظیم ہے۔ اس تنظیم کے چیف امام ڈاکٹرمولانا عمیر احمد الیاسی ہیں، جوبین المذاہب امن اورہم آہنگی کے لئے سرگرم عمل ہیں۔ چیف امام مولانا عمیراحمد الیاسی کا دعویٰ ہے کہ ان کی تنظیم ہندوستان کے تقریباً پانچ لاکھ ائمہ کرام کی نمائندگی کرتی ہے اوردوکروڑمسلمانوں کی مذہبی اورروحانی رہنمائی کے لئے کام کرتی ہے۔ مولانا عمیراحمد الیاسی اس میٹنگ کی قیادت کریں گے۔
کیا ہے میٹنگ کا اہم ایجنڈا؟
یہ میٹنگ جمعرات کی صبح 9 بجے دہلی کے ہریانہ بھون میں ہوگی۔ سیکورٹی وجوہات کی وجہ سے ہریانہ بھون میں عام لوگوں کا داخلہ نہیں ہوگا۔ اجلاس کا بنیادی اورمرکزی ایجنڈا ائمہ کرام کے درمیان اتحاد اورتعاون کوفروغ دینا ہے۔ ہندوستانی مسلمانوں کے مذہبی اورسماجی مسائل پررہنمائی فراہم کرنا ہے۔ بین المذاہب مکالمے اورامن کی تعمیرمیں حصہ دینا اورثقافتی اورسماجی ترقی کے لیے کام کرنا ہے۔ آل انڈیا امام آرگنائزیشن کے چیف امام ڈاکٹرعمر احمد الیاسی بھی اپنے متنازعہ بیانات کے لیے جانے جاتے ہیں۔ حال ہی میں انہوں نے ایک فتویٰ جاری کیا تھا۔ اس میں انہوں نے پہلگام دہشت گردانہ حملے کے بعد جموں وکشمیر میں مارے گئے لوگوں کو دہشت گرد قرار دیتے ہوئے کہا تھا کہ کسی بھی دہشت گرد کے جنازے کی نمازنہ پڑھی جائے۔ انہوں نے کہا ہے کہ دہشت گرد اسلام کا غلط استعمال کرتے ہیں۔
آرایس ایس لیڈران کے کافی قریب ہیں مولانا عمیراحمد الیاسی
قابل ذکرہے کہ مولانا عمیراحمد الیاسی حکومت کے کافی قریب ہیں۔ آرایس ایس کے لیڈران سے بھی ان کے تعلقات ہیں۔ وہ مسلم راشٹریہ منچ کی اکثروبیشتر میٹنگ میں شامل رہتے ہیں۔ مولانا عمیرالیاسی اپنے بیانات کی وجہ سے سرخیوں میں رہتے ہیں۔ وہ اپنی بات چیت میں حکومت کے ساتھ کھڑے رہتے ہیں اور کھل کران کی حمایت بھی کرتے ہیں۔ آرایس ایس لیڈران سے ملاقات ان کی بہت آسانی سے ہوجاتی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
