نئی دہلی: اگرآپ دہلی-این سی آرمیں رہتے ہیں اورکام پرجانے کے لئے ہرروزاپنی گاڑی میں پٹرول، ڈیژل یا سی این جی بھرواتے ہیں، تویہ خبرآپ کے لئے ہے۔ مشرق وسطیٰ میں جاری جنگ اورخام تیل کی آسمان چھوتی قیمتوں کے درمیان ملک میں جنگی بنیادوں پرایندھن کوبچانے کی مہم شروع کردی گئی ہے۔
وزیراعظم نریندرمودی کی ایندھن کی بچت اورنجی گاڑیوں کے استعمال کوکم کرنے کی حالیہ اپیل کے بعد، دہلی حکومت اوردہلی میٹرو(ڈی ایم آرسی) نے آج، پیر18 مئی سے دارالحکومت میں کئی بڑی اورسخت تبدیلیاں نافذ کی ہیں۔ ان میں نجی کمپنیوں کے لئے گھرسے کام (ورک فرام ہوم) کا مشورہ اورمیٹروفریکوئنسی میں اضافہ شامل ہے۔ آئیے جانتے ہیں کہ دہلی میں کیا تبدیلی کی گئی ہے۔
دہلی حکومت کی ایڈوازئری، ہفتے میں 2 دن ورک فرام ہوم
تیل کے بڑھتے ہوئے بحران اورسی این جی کی قیمتوں میں 3 روپئے تک کے حالیہ اضافے کے پیش نظر، دہلی کی ریکھا گپتا حکومت کے لیبرڈپارٹمنٹ نے ایک اہم ایڈوائزری جاری کی ہے۔ تمام نجی کمپنیوں، فیکٹریوں، دکانوں اورخاص طورپردہلی کے آئی ٹی اورآئی ٹی ای ایس سیکٹرکومشورہ دیا گیا ہے کہ وہ ہفتے میں کم ازکم 2 دن اپنے ملازمین کوگھرسے کام کرنے کی سہولت فراہم کریں۔ ٹریفک جام اوراوقات کارکے دوران ایندھن کی بربادی کوروکنے کے لئے کمپنیوں سے دفتر کے وقت میں تبدیلی کرنے کو کہا گیا ہے۔ حکومت نے ملازمین سے اپیل کی ہے کہ وہ اکیلے گاڑی چلانے کے بجائے کارپول کریں یا پبلک ٹرانسپورٹ کا استعمال کریں۔ اسپتال، بجلی، پانی، صفائی جیسی ضروری اورایمرجنسی خدمات سے وابستہ اداروں پریہ ایڈوائزری نافذ نہیں ہوگی۔
DELHI METRO TO RUN EXTRA TRAIN TRIPS TO ENCOURAGE MORE PEOPLE TO USE METRO THAN PRIVATE VEHICLES
Recognizing the critical role of mass transit in ensuring energy security, economic resilience, and environmental sustainability in the extant scenario, DMRC is undertaking a series…
— Delhi Metro Rail Corporation (@OfficialDMRC) May 17, 2026
ہرپیرکوامیٹرو کے 24 اضافی ٹرپس
حکومت کی اپیل کے بعد لوگ اپنی ذاتی کاروں کو چھوڑکرمیٹروکا رخ کریں گے، دہلی میٹرونے تیاریاں شروع کردی ہیں۔ آج سے دہلی میٹرو پورے نیٹ ورک میں 6 اضافی ٹرینیں چلائے گی۔ اب سے، میٹروہرپیرکو24 اضافی ٹرپس چلائے گی۔ ضرورت پڑنے پردوسرے دنوں میں بھی میٹروکے پھیرے (ٹرپس) کی تعداد میں اضافہ کیا جائے گا۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
