کانگریس صدر ملیکا ارجن کھڑگے۔ (تصویر: اے این آئی)
کانگریس کے قومی صدر ملکارجن کھڑ گے نے ہریانہ اسمبلی انتخابات کے نتائج پر سوال اٹھائے ہیں۔ اس دوران انہوں نے بی جے پی اور وزیر اعظم نریندر مودی کو بھی نشانہ بنایا۔ انہوں نے کہا، “وزیر اعظم مودی کی پارٹی دہشت گردوں کی پارٹی ہے۔ وزیر اعظم اقلیتوں کو دھمکیاں دینے والوں کی حمایت کرتے ہیں۔ وہ ملک کی بات نہیں کرتے۔”
کھرگے نے ہریانہ کے انتخابی نتائج پر کہا
کانگریس کے قومی صدر ملکارجن کھڑ گے نے ہریانہ اسمبلی انتخابات میں بی جے پی کی کارکردگی پر سوال اٹھایا۔ انہوں نے کہا کہ ہریانہ میں کیا ہوا، اس سے متعلق ہم رپورٹ مانگ رہے ہیں، رپورٹ آنے کے بعد سب کچھ سامنے آجائے گا۔ پورا ملک کہہ رہا تھا کہ کانگریس جیتے گی، یہاں تک کہ بی جے پی لیڈر کہہ رہے تھے کہ کانگریس جیتے گی۔ سب کے کہنے کے باوجود کیا وجہ تھی جس کے سبب شکست ہوئی؟
کانگریس صدر نے کہا، “ہریانہ میں کوئی اتحادی پارٹنر نہیں تھا، جموں و کشمیر میں انڈیا اتحاد میدان میں تھا، اگر ہم جیت گئے تو بہت سے لوگ اس کا کریڈٹ لیتے ہیں اوراگر ہم ہارے تو بہت سے لوگ تنقید کرتے ہیں۔ “
شہری نکسل پر وزیر اعظم کے بیان پر دیا گیا جواب
ہریانہ اسمبلی انتخابات کے علاوہ وزیر اعظم نریندر مودی نے کئی مواقع پر کانگریس کو شہری نکسل کہا ہے۔ اس پر انہوں نے کہا، “وزیراعظم دانشوروں کو شہری نکسل کہتے ہیں، ان کی اپنی پارٹی دہشت گردوں کی پارٹی ہے، یہ پارٹی ان لوگوں کی حمایت کرتی ہے جو قبائلی لوگوں کی لنچنگ اور ان کی عصمت دری کرتے ہیں۔
#WATCH | On PM Modi’s remark that Congress has been taken over by Urban Naxals, Congress chief Mallikarjun Kharge says, ” Progressive people are being called Urban Naxals…this is his habit. His party itself is a terrorist party. They do lynching, hit people, urinate in the… pic.twitter.com/hACBNLE6T8
— ANI (@ANI) October 12, 2024
کانگریس کے قومی صدر نے کہا کہ جہاں بھی ان کی (بی جے پی) حکومت ہے، وہاں ایس سی طبقے پر مظالم ہوتے ہیں، قبائلیوں کو ظلم و تشدد کا نشانہ بنایا جاتا ہے، اس پرستم ظریفی یہ ہے کہ یہ لوگ دوسرے کو ظالم قرار دیتے ہیں۔ ملکا رجن کھڑ گے نے کہا کہ وزیراعظم مودی، ملک، ملک کے عوام اور ملک سے جڑے مسائل پر بہت کم بات کرتے ہیں تاہم بی جے پی اوربی جے پی حکومت کے تعلق زیادہ باتیں کرتے ہیں۔
بھاگوت کے بیان پر کھڑگے کا جوابی حملہ
آر ایس ایس کے سربراہ موہن بھاگوت نے ہفتہ (12 اکتوبر 2024) کو بنگلہ دیش میں ہندوؤں پر ہونے والے مظالم کا ذکر کیا۔ اس پر کانگریس صدر کھڑ گے نے کہا کہ “کسی بھی ملک کو ظلم نہیں کرنا چاہیے۔ جس طرح ہم اقلیتوں کی حفاظت کرتے ہیں، ان کی بھی ذمہ داری ہے، اگر وہ ایسا نہیں کرتے ہیں تو یہ اچھی بات نہیں ہے۔ جو لوگ ایسا کرتے ہیں، وہی تقسیم کر رہے ہیں۔” بھاگوت خود اختلاف چاہتے ہیں، آپ آئین کی بات کرتے ہیں، آپ ریزرویشن کی بات کرتے ہیں اور اب دوسروں کو عقل سکھا رہے ہیں۔
-بھارت ایکسپریس
