لوک سبھا انتخابات 2024 کے لیے کانگریس کا منشور تیار کر لیا گیا ہے۔ کانگریس ورکنگ کمیٹی (سی ڈبلیو سی) پہلے اسے پاس کرے گی اور پھر اسے جاری کیا جائے گا۔کانگریس کے اس منشور میں روزگار اور مہنگائی سے لے کر ریلیف اور سماجی انصاف تک ہر چیز پر خصوصی توجہ دی گئی ہے۔نوجوانوں کو جیتنے کی اپنی حکمت عملی کے ایک حصے کے طور پر، کانگریس مرکزی حکومت میں 30 لاکھ خالی سرکاری عہدوں کو پر کرنے کا وعدہ کرے گی، جس کا اعلان وائناڈ، کیرالہ سے پارٹی کے رکن پارلیمنٹ راہل گاندھی اور مدھیہ پردیش میں پارٹی کے سربراہ ملکارجن کھرگے آج کریں گے۔ منشور میں خواتین کے لیے ماہانہ 6000 روپے اور مرکزی حکومت کی ملازمتوں میں 33 فیصد ریزرویشن کا بھی ذکر ہے۔
یہ بھی وعدہ کیا گیا ہے کہ ذات پات کی بنیاد پر مردم شماری کرائی جائے گی تاکہ او بی سی ووٹ بینک کا فائدہ اٹھایا جاسکے اور پسماندہ ذاتوں کے لیے ریزرویشن کی حد میں اضافہ کیا جاسکے۔ 2019 کے عام انتخابات کے وعدے کو دہراتے ہوئے کانگریس کم سے کم آمدنی اسکیم کے تحت غریبوں کو سالانہ 72 ہزار روپے دینے کا وعدہ کرے گی۔ کانگریس کے منشور کے لیے تیار کی گئی دستاویز میں مسلمانوں کو بہلانے کے لیے سچر کمیٹی کی سفارشات کو لاگو کرنے کا بھی ذکر ہے، جسے بی جے پی انتخابات میں بڑا ایشو بنا سکتی ہے۔
یہ ہیں 2024 کے لیے کانگریس کے 20 بڑے وعدے
نوجوان کیلئے وعدے
مرکزی حکومت کی 30 لاکھ خالی آسامیاں پُر کی جائیں گی۔
جاب کیلنڈر جاری کیا جائے گا۔
سرکاری امتحانی فارم مفت
پیپر لیک کے خلاف سخت قانون
اگنی پتھ اسکیم بند کر دی جائے گی۔
بے روزگار گریجویٹس اور ڈپلومہ ہولڈرز کو ہنر مند بنانے کے لیے الاؤنس
خواتین کیلئے وعدے
خواتین کو ماہانہ 6 ہزار روپئے
مرکزی حکومت کی ملازمتوں میں 33فیصد ریزرویشن
ہائی کورٹ اور سپریم کورٹ میں خواتین ججوں کی تعداد میں اضافہ کیا جائے گا۔
سستا گیس سلنڈر
پسماندہ طبقہ کیلئے وعدے
ذات پر مبنی مردم شماری کرائی جائے گی۔
او بی سی ریزرویشن کی حد میں اضافہ کیا جائے گا۔
کسانوں کیلئے وعدہ
کم از کم امدادی قیمت یعنی کسانوں کی فصلوں کے لیے MSP کو قانونی حیثیت دی جائے گی۔
غریب لوگوں کیلئے وعدے
کم از کم آمدنی اسکیم کے تحت غریب خاندانوں کو سالانہ 72 ہزار روپے ملیں گے۔
منریگا کی یومیہ اجرت 400 روپے تک بڑھا دی جائے گی۔
مسلمانوں کیلئے وعدہ
سچر کمیٹی کی سفارشات کو نافذ کیا جائے گا۔
دلت کیلئے وعدہ
امتیازی سلوک کے خلاف قانون روہت ویمولا کے نام پر رکھا گیا ہے۔
صحت سے متعلق وعدہ
گہلوت حکومت کی چرنجیوی اسکیم کی طرز پر ہیلتھ انشورنس اسکیم۔
کھیلوں سے متعلق دیہی بچوں کے لیے اسکالرشپ
مصنوعی ذہانت کا فروغ
