Cockroach Janata Party X Account Suspended: چیف جسٹس آف انڈیا کے بیان کے خلاف احتجاج میں شروع کئے گئے کاکروچ جنتا پارٹی کا ایکس اکاؤنٹ بند کردیا گیا ہے۔ یہ پارٹی پچھلے کچھ دنوں سے انٹرنیٹ پرموضوع بحث بنی ہوئی ہے۔ کاکروچ جنتا پارٹی کے بانی ابھیجیت دیپک نے کہا کہ پہلے بھی اس اکاؤنٹ کوہیک کرنے کی کوشش کی گئی تھی۔ جب یہ اکاؤنٹ ہیک نہیں ہوا تواسے بند کردیا گیا۔ اس پارٹی کے ایکس پر1.6 لاکھ سے زیادہ فالوورزتھے، جبکہ انسٹاگرام پرفالوورزکی تعداد 13 ملین سے زیادہ ہوچکی ہے۔ جب ایکس پر پارٹی کا اکاؤنٹ کھولا جاتا ہے تو لکھا جاتا ہے کہ قانونی مطالبہ کی وجہ سے یہ اکاؤنٹ روک دیا گیا ہے۔
کیسے ہوئی اس مہم کی شروعات؟
کاکروچ جنتا پارٹی (سی جے پی) نامی یہ آن لائن مہم 16 مئی کوشروع کی گئی۔ چیف جسٹس آف انڈیا (سی جے آئی) سوریہ کانت نے ملک میں بعض بے روزگارنوجوانوں کے رویے کوبیان کرنے کے لئے “کاکروچ” کی اصطلاح استعمال کی تھی۔ اس کے جواب میں دیپک نے لکھا کہ اگرتمام کاکروچ اکٹھے ہوجائیں توکیا ہوگا؟ اس کے بعد سوشل میڈیا پر”کاکروچ جنتا پارٹی” کے نام سے ایک آن لائن مہم شروع ہوئی اورتیزی سے لوگوں کواپنی طرف متوجہ کیا۔ انسٹاگرام فالوورزکے معاملے میں سی جے پی نے مرکزمیں حکمراں جماعت بھارتیہ جنتا پارٹی (بی جے پی) کو پیچھے چھوڑدیا ہے۔ اطلاعات کے مطابق، 600,000 لوگوں نے رجسٹریشن کرائی ہے۔ پارٹی کے سوشل میڈیا فالوورزمیں کئی نامورسیاستدان اورمشہورشخصیات بھی شامل ہیں۔
View this post on Instagram
کون ہیں ابھیجیت دیپک؟
کاکروچ جنتا پارٹی کے فاونڈر 30 سال کے ابھیجیت دیپک ہیں۔ انہوں نے مہاراشٹرکے پنے شہرسے صحافت میں اپنی گریجویشن کی ڈگری پوری کی ہے۔ اس کے بعد وہ ہائرایجوکیشن کے لئے امریکہ چلے گئے، جہاں انہوں نے مشہور بوسٹن یونیورسٹی سے پبلک ریلیشنزمیں پوسٹ گریجویشن کی تعلیم حاصل کی ہے۔ دیپک پیشے سے ایک پالیٹیکل کمیونی کیشن اسٹریجسٹ ہیں، جو سیاسی پارٹیوں کے لئے ڈیجیٹل اسٹریٹجی تیارکرتے ہیں۔
سی جے پی نے کیا یہ بڑا مطالبہ
کاکروچ جنتا پارٹی کی ویب سائٹ بھی لائیوہے اورپارٹی نے اپنا منشوربھی جاری کیا ہے۔ اس میں چیف جسٹس کوریٹائرمنٹ کے بعد راجیہ سبھا نہ بھیجنے، ایوان میں سیٹوں کی تعداد بڑھائے بغیرخواتین کے لئے 50 فیصد ریزرویشن کا نظام، پارٹی بدلنے پراراکین پارلیمنٹ اوراراکین اسمبلی کے الیکشن لڑنے پر20 سال کی پابندی لگانے جیسے کئی مطالبات کئے گئے ہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
