Bharat Express DD Free Dish

Memorandum misuse of AI and deepfakes: اے آئی اور ڈیپ فیک کے غلط استعمال کے خلاف چرنجیوی نے اٹھائی آواز، امت شاہ کے مشورے پر مرکزی حکومت کو سونپا میمورنڈم

چرنجیوی نے اپنی پوسٹ میں لکھا ہے کہ مرکزی وزیر داخلہ امت شاہ سے حالیہ ملاقات کے بعد اور ان کے مشورے کے مطابق، میں نے مرکزی وزیر جی کشن ریڈی کو ایک میمورنڈم سونپا ہے۔ اس میں اے آئی کے غلط استعمال، ڈیپ فیک اور ڈیجیٹل شناخت کی نقل کو روکنے کے لیے مزید مضبوط حفاظتی اقدامات کا مطالبہ کیا گیا ہے۔

ممبئی: جنوبی ہند کی فلموں کے سپر اسٹار چرنجیوی نے مصنوعی ذہانت (اے آئی)، ڈیپ فیک اور ڈیجیٹل شناخت کے غلط استعمال پر ایک بار پھر تشویش کا اظہار کیا ہے۔ اداکار نے سوشل میڈیا پلیٹ فارم ’ایکس‘ پر ایک پوسٹ کے ذریعے بتایا کہ مرکزی وزیر داخلہ امت شاہ سے حالیہ ملاقات کے بعد ان کے مشورے پر انہوں نے مرکزی وزیر جی کشن ریڈی کو ایک میمورنڈم سونپا ہے۔ یہ میمورنڈم مرکزی وزارت داخلہ اور وزارت اطلاعات و نشریات کے نام ہے۔ اس میں اے آئی اور ڈیپ فیک کے غلط استعمال کو روکنے کے لیے مضبوط حفاظتی اقدامات نافذ کرنے کا مطالبہ کیا گیا ہے۔

ڈیپ فیک اور ڈیجیٹل شناخت کی نقل پر تشویش

چرنجیوی نے اپنی پوسٹ میں لکھا، ’’مرکزی وزیر داخلہ امت شاہ سے حالیہ ملاقات کے بعد اور ان کے مشورے کے مطابق، میں نے مرکزی وزیر جی کشن ریڈی کو ایک میمورنڈم سونپا ہے۔ یہ میمورنڈم مرکزی وزارت داخلہ اور وزارت اطلاعات و نشریات کے نام ہے۔ اس میں اے آئی کے غلط استعمال، ڈیپ فیک اور ڈیجیٹل شناخت کی نقل کو روکنے کے لیے مزید مضبوط حفاظتی اقدامات کا مطالبہ کیا گیا ہے۔‘‘ انہوں نے مزید لکھا، ’’میں کشن ریڈی کا شکر گزار ہوں کہ انہوں نے متعلقہ وزارتوں کے ساتھ تال میل قائم کرکے اس معاملے کو آگے بڑھانے کی یقین دہانی کرائی ہے۔ فنکاروں کے وقار، شناخت اور تخلیقی حقوق کے تحفظ کے ساتھ ساتھ ہر شہری کی حفاظت ہم سب کی مشترکہ ذمہ داری ہے۔ ٹیکنالوجی کا استعمال تخلیقی صلاحیتوں کو فروغ دینے کے لیے ہونا چاہیے، نہ کہ کسی کے وقار کو ٹھیس پہنچانے کے لیے۔‘‘

2 نومبر کو امت شاہ سے ہوئی تھی ملاقات

دراصل، چرنجیوی نے اپنے بیٹے اور اداکار رام چرن کے ساتھ 2 نومبر کو حیدرآباد کے دورے پر آئے مرکزی وزیر داخلہ امت شاہ سے ملاقات کی تھی۔ اس دوران دونوں فنکاروں نے اے آئی اور ڈیپ فیک ٹیکنالوجی کے بڑھتے ہوئے غلط استعمال پر تشویش ظاہر کی تھی۔ انہوں نے کہا تھا کہ اس طرح کی ٹیکنالوجی فنکاروں کی شناخت، عزت اور حقوق کے لیے خطرہ بن سکتی ہے۔ اس ملاقات کے بعد چرنجیوی نے سوشل میڈیا پر بتایا تھا کہ امت شاہ نے ان کی باتوں کو سنجیدگی سے سنا اور اس معاملے پر مثبت ردعمل ظاہر کیا۔ انہوں نے یقین دہانی کرائی تھی کہ حکومت اس معاملے کی جلد جانچ کرے گی اور اے آئی و ڈیپ فیک کے غلط استعمال کو روکنے کے لیے مضبوط حفاظتی ضابطوں اور سخت سزا کے التزامات پر غور کرے گی۔

بھارت ایکسپریس اردو۔



بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔

Also Read