پنجاب کے وزیر اعلیٰ بھگونت مان نے میڈیا سے گفتگو کرتے ہوئے کہا کہ پارٹی کسی بھی فرد سے بڑی ہوتی ہے۔ جو ارکان پارٹی چھوڑ کر گئے ہیں، وہ پنجاب کی نمائندگی نہیں کرتے۔ جب انہیں بھگونت مان کے خلاف کچھ نہیں ملا تو انہوں نے عام آدمی پارٹی کو توڑنے کی کوشش کی۔ انہوں نے الزام لگایا کہ بی جے پی دوسری جماعتوں میں رکاوٹیں پیدا کرتی ہے۔انہوں نے کہا، ’’پنجابی دل سے سب سے محبت کرتے ہیں، لیکن اگر کوئی ان کے ساتھ دھوکہ کرے تو وہ اسے کبھی نہیں بھولتے۔ بی جے پی میں شامل ہونے والے 6-7 ’عآپ‘ ارکان پنجاب سے نہیں ہیں۔‘‘
یہ لوگ پنجاب کے غدار ہیں
بھگونت مان نے مزید کہا، ’’یہ لوگ پنجاب کے غدار ہیں۔ انہیں سیٹیں ملیں، انہیں ووٹ مانگنے کی ضرورت نہیں پڑی، نہ ہی عوامی مسائل کے لیے سڑکوں پر آنا پڑا۔ یہ صرف خود کو بچانے کے لیے وہاں گئے ہیں اور اب وہاں بھی ان کے لیے جگہ نہیں ہے کیونکہ وہ بی جے پی کے ساتھ ہیں۔‘‘ بھگونت مان نے الزام لگایا کہ بی جے پی نے پنجاب کے ساتھ دھوکہ کیا ہے۔ انہوں نے کہا کہ یہی ’واشنگ مشین‘ والی سیاست شرد پوار، شیو سینا (یو بی ٹی) اور کانگریس کے ساتھ بھی استعمال کی گئی ہے۔ ان کے مطابق بی جے پی کی پنجاب میں کوئی مضبوط بنیاد نہیں ہے۔انہوں نے کہا کہ جب سے بے ادبی کے خلاف سخت قوانین بنائے گئے ہیں، تب سے بی جے پی میں بے چینی نظر آ رہی ہے اور وہ اسے برداشت نہیں کر پا رہی۔ مسلسل شکست کا بدلہ لینے کے لیے بی جے پی پنجاب اور ’عآپ‘ کے خلاف نفرت رکھتی آئی ہے۔
’ہم پارٹی چھوڑنے والوں اور انہیں شامل کرنے والوں دونوں کی سخت مذمت کرتے ہیں‘
وزیر اعلیٰ نے کہا، ’’ہم پارٹی چھوڑنے والوں اور انہیں شامل کرنے والوں دونوں کی سخت مذمت کرتے ہیں۔‘‘انہوں نے مزید کہا، ’’پنجاب کی مقدس دھرتی سے میں واضح کہنا چاہتا ہوں کہ عام آدمی پارٹی عام لوگوں کی پارٹی ہے اور عوام ہی ہماری اصل طاقت ہے۔ عوام پنجاب کے غداروں کو ضرور سبق سکھائے گی۔ اس طرح کی سیاست سے پنجاب نہیں جیتا جا سکتا۔ جمہوریت میں عوام سب سے بڑی ہوتی ہے اور عام آدمی ہماری اصل طاقت ہے۔‘‘اس سے پہلے، پنجاب ‘آپ’ کے جنرل سیکریٹری بلتیج پنوں نے مرکزی وزیر داخلہ امت شاہ پر الزام لگایا کہ وہ مرکزی ایجنسیوں کا غلط استعمال کر کے اور ارکانِ پارلیمنٹ کو توڑ کر پارٹی کو کمزور کرنے کی سازش کر رہے ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
