بی جے پی نے دیا اداکارہ کنگنا رناوت کو ٹکٹ، منڈی سے لڑیں گی لوک سبھا الیکشن
BJP Candidates 5th List: لوک سبھا انتخابات 2024 کی تاریخوں کے اعلان کے بعد بی جے پی نے امیدواروں کی پانچویں فہرست جاری کر دی ہے۔ اس فہرست میں 111 امیدواروں کے نام ہیں۔ بی جے پی نے بالی ووڈ اداکارہ کنگنا رناوت کو بھی ٹکٹ دیا ہے۔ کنگنا رناوت ہماچل پردیش کی منڈی لوک سبھا سیٹ سے الیکشن لڑیں گی۔ اداکارہ کنگنا رناوت اکثر خود کو وزیر اعظم نریندر مودی کی مداح کہتی ہیں۔
کنگنا نے پارٹی ہائی کمان کا شکریہ ادا کیا
لوک سبھا الیکشن سیٹ کے لیے ٹکٹ حاصل کرنے کے بعد اداکارہ کنگنا رناوت نے پارٹی ہائی کمان کا شکریہ ادا کیا۔ انہوں نے ایکس پر کہا کہ،” میرے پیارے بھارت اور بھارتیہ عوام کی اپنی پارٹی، میں نے ہمیشہ بھارتیہ جنتا پارٹی (بی جے پی) کی غیر مشروط حمایت کی ہے۔ آج بی جے پی کی قومی قیادت نے مجھے میری جائے پیدائش، ہماچل پردیش، منڈی (حلقہ) سے اپنا لوک سبھا امیدوار قرار دیا ہے۔
منڈی لوک سبھا سیٹ سے ٹکٹ ملنے کے بعد اداکارہ کنگنا رناوت نے کہا، “میں ہائی کمان کے فیصلے پر عمل کرتی ہوں۔ میں باضابطہ طور پر پارٹی میں شامل ہونے کے لیے اعزاز اور پرجوش محسوس کر رہی ہوں۔ میں ایک قابل کارکن اور قابل بھروسہ عوامی ملازم بننے کی منتظر ہوں۔ ” شکریہ۔”
My beloved Bharat and Bhartiya Janta’s own party, Bharatiya Janta party ( BJP) has always had my unconditional support, today the national leadership of BJP has announced me as their Loksabha candidate from my birth place Himachal Pradesh, Mandi (constituency) I abide by the high…
— Kangana Ranaut (@KanganaTeam) March 24, 2024
بی جے پی نے ارون گوول کو بھی دیا ٹکٹ
اداکارہ کنگنا رناوت اور مقبول ٹی وی سیریل رامائن میں رام کا کردار ادا کرنے والے ارون گوول دونوں کے لیے یہ انتخابی ڈیبیو ہوگا۔ ارون گوول کو میرٹھ لوک سبھا سیٹ سے ٹکٹ دیا گیا ہے۔ کانگریس چھوڑ کر بی جے پی میں شامل ہونے والے نوین جندل کو ہریانہ کے کروکشیتر سے میدان میں اتارا گیا ہے۔
-بھارت ایکسپریس
