آج مہاگٹھ بندھن نے بہار میں الیکشن کمیشن کی طرف سے چلائی جارہی اسپیشل انٹینسیو ریویژن (SIR) مہم کے خلاف ریاست گیر چکہ جام کا اعلان کیا ہے۔ اس احتجاج میں مہاگٹھ بندھن کی تمام اتحادی جماعتیں بشمول راشٹریہ جنتا دل (آر جے ڈی)، کانگریس، بائیں بازو کی پارٹیاں، وی آئی پی پارٹی اور جن ادھیکار پارٹی (پپو یادو) شامل ہیں۔ کانگریس لیڈر راہل گاندھی آج پٹنہ پہنچیں گے اور تیجسوی یادو کے ساتھ انکم ٹیکس گولمبر سے الیکشن آفس تک مارچ کریں گے۔وہیں دوسری جانب چکہ جام کا اثر شروع ہوچکا ہے۔مہاگٹھ بندھن کے کارکنوں نے پٹنہ کے مانیر اسمبلی حلقہ سے گزرنے والی قومی شاہراہ-30 پر بہار بند کی حمایت میں ٹائر جلائے ہیں ۔
#WATCH| Mahagathbandhan leaders burn tyres and block roads supporting ‘Bihar Bandh’ called by the alliance against the Special Intensive Revision (SIR) of the voter list in Bihar before the state Assembly Elections 2025.
Visuals from the Maner Assembly stretch of National… pic.twitter.com/rKunRsczRb
— ANI (@ANI) July 9, 2025
ادھربہار کے نائب وزیر اعلیٰ وجے سنہا نے مہاگٹھ بندھن کی طرف سے بلائے گئے بہار بند پر کہا، ‘یہ افسوسناک اور بدقسمتی کی بات ہے۔ الیکشن کمیشن اگر آگاہی پھیلانا چاہتا ہے تو اس میں غلط کیا ہے۔ یہ کسی ایک ذات یا جماعت کے لیے نہیں بلکہ سب کے لیے ہے۔ انہیں اس بات پر اعتراض کیوں ہے کہ باہر کے لوگ غلط ووٹ نہیں ڈال سکتے؟۔وہیں چکا جام کے دوران آر جے ڈی کارکنوں نے گاندھی سیتو پل کو بند کر دیا ہے۔پٹنہ سے حاجی پور، دربھنگہ اور پورنیہ جیسے شہروں تک پہنچنے کے لیے یہ پل بہت اہم ہے۔ اس پل کے بند ہونے سے پٹنہ سے ان شہروں کی طرف جانے والے لوگوں کی مشکلات بڑھ سکتی ہیں۔
نمو بھارت ٹرین دربھنگہ میں روکی گئی
بند کے حامیوں نے جے نگر سے پٹنہ جانے والی نمو بھارت ٹرین کو دربھنگہ اسٹیشن پر روک دیا ہے۔ آر جے ڈی سمیت گٹھ بندھن کے کارکنوں نے ٹرین کے سامنے کھڑے ہو کر حکومت کے خلاف نعرے لگائے۔ وہ ووٹر لسٹ پر نظرثانی کی مہم کو واپس لینے کا مطالبہ کرتے ہوئے دیکھے گئے۔آرا میں بھی آر جے ڈی لیڈر اور حامی بہار بند کو کامیاب بنانے کے لیے نکل آئے ہیں۔ جگدیش پور اسمبلی کے سابق آر جے ڈی ایم ایل اے بھائی دنیش نے اپنے حامیوں کے ساتھ شرم جیوی ایکسپریس اور وبھوتی ایکسپریس کو بیہیا اسٹیشن پر روکا اور حکومت کے خلاف نعرے لگائے۔اس طرح کی درجنوں تصویریں آرہی ہیں جہاں مہا گٹھ بندھن کے کارکنان شاہراہ اور شہر کے ساتھ ساتھ ٹرین کو بھی روک رہے ہیں اور چکہ جام کو کامیاب بنانے کی کوشش کررہے ہیں ۔
جمہوریت بچانے کی اپیل
وہیں آر جے ڈی لیڈر تیجسوی یادو نے آج کے بند کے حوالے سے ایک پوسٹ کیا ہے۔جس میں انہوں نے بہار بند اور چکہ جام میں شامل ہونے اور جمہوریت بچانے کی اپیل کی ہے۔انہوں نے کہا کہ غریبوں، پسماندہوں، دلتوں اور اقلیتوں کو ووٹر لسٹ سے نکالنے کی الیکشن کمیشن اور بی جے پی کی سازش کو کامیاب نہیں ہونے دیں گے۔ اگر ہم آج نہیں بیدار ہوئے تو کل ووٹ کا حق بھی چھین لیا جائے گا۔اس پوسٹ میں تیجسوی نے راہل گاندھی کے ساتھ ایک تصویر شیئر کی ہے۔
बिहार बंद और चक्काजाम में शामिल होइए और लोकतंत्र को बचाइए!
गरीबों, पिछड़ों, दलितों और अल्पसंख्यकों को वोटर लिस्ट से बाहर करने की चुनाव आयोग और भाजपा की साजिश को हम कामयाब नहीं होने देंगे!
आज नहीं जागे तो कल वोट देने का अधिकार भी छिन जाएगा.!!
#voterlist #BiharVoters #BiharBand pic.twitter.com/GaQW0pZxB3
— Tejashwi Yadav (@Tejashwi_Yadav_) July 9, 2025
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
