Bihar Cabinet Expansion News: بی جے پی-جے ڈی یو میں کابینہ توسیع پراتفاق، 12 نئے چہرے ہوسکتے ہیں شامل، کسی مسلم کو شامل کئے جانے پر تعطل برقرار

بہار کابینہ کی توسیع کی خبر بھلے ہی اب سامنے آرہی ہو، لیکن اس کا اقتباس وزیراعلیٰ نتیش کمارکی وزیراعظم مودی کے ساتھ ہوئی ملاقات کے بعد ہی لکھ گئی تھی۔ 5 دن پہلے پیر کے روز وزیراعظم مودی سے نتیش کمارنے ملاقات کی تھی۔ اس دوران نائب وزیراعلیٰ سمراٹ چودھری اورمرکزی وزیرللن سنگھ بھی موجود رہے۔ وزیراعظم مودی سے ملنے کے بعد نتیش کمار نے وزیرداخلہ امت شاہ سے بھی ملاقات کی تھی۔ ذرائع کے مطابق، اس بات چیت میں کابینہ توسیع کی حکمت عملی پرتبادلہ خیال کیا گیا۔

ذات پات پرمبنی متوازن بنا نے کی کوشش میں بی جے پی-جے ڈی یو

نتیش حکومت کے پہلے کابینہ توسیع میں این ڈی اے نے سماجی اورسیاسی تال میل کے ساتھ ساتھ ذات پرمبنی کابینہ تیارکرنے کی کوشش کرے گی۔ وزیراعلیٰ نتیش کمار کے کابینہ میں ابھی 12 وزیر کے عہدے خالی ہیں۔ ان میں سے کچھ عہدے جے ڈی یو تو کچھ بی جے پی کے پالے میں جانے والے ہیں۔ ایسے میں طے ہے کہ این ڈی اے سبھی کو ساتھ لے کرایسے تقسیم کرے گی تاکہ کسی بھی پارٹی کی مخالفت کا سامنا نہ کرنے پڑے

نتیش کابینہ میں صرف ایک مسلم

نتیش کمارکی موجودہ کابینہ میں تین خواتین اورایک مسلم رکن اسمبلی کو شامل کیا گیا ہے۔ خاتون اراکین اسمبلی میں لیشی سنگھ، جنتا دل (یونائیٹیڈ) کی رکن اسمبلی ہیں۔ رما نشان اور شرے یسی سنگھ بی جے پی کی ایم ایل اے ہیں۔ واحد مسلم وزیر محمد زماں جنتا دل یونائیٹیڈ کے رکن اسمبلی ہیں۔ وہ چین اسمبلی حلقہ سے منتخب کرآئے تھے۔ حالانکہ اس باربھی کسی مسلم کو کابینہ میں شامل کئے جانے کا امکان کافی ہے۔ جے ڈی یو کے ایک دو لیڈران کے ناموں سے متعلق قیاس آرائی ضرور کی جا رہی ہے، لیکن اس کا امکان کافی کم ہے۔

 بھارت ایکسپریس اردو-