مرکزی وزیر داخلہ امت شاہ نے اتوار کو چھتیس گڑھ کے نیا رائے پور میں نیشنل فارنسک سائنس یونیورسٹی (این ایف ایس یو) اور سینٹرل فارنسک سائنس لیبارٹری (سی ایف ایس ایل) کا سنگ بنیاد رکھا۔ اس دوران چھتیس گڑھ کے وزیر اعلی وشنو دیو سائی بھی موجود تھے، جنھوں نے اسے ایک ’’تاریخی دن‘‘ قرار دیا۔ چھتیس گڑھ کے وزیر اعلیٰ نے کہا کہ ’’چھتیس گڑھ کے لیے آج کا دن ایک تاریخی دن ہے کیوں کہ وزیر داخلہ امت شاہ کی موجودگی میں نیشنل فارنسک سائنس یونیورسٹی اور سینٹرل فارنسک سائنس لیبارٹری کی بنیاد رکھی گئی ہے۔ چھتیس گڑھ کو آج ان دو اداروں کی شکل میں بڑا تحفہ ملا ہے۔‘‘
रायपुर (छत्तीसगढ़) में नेशनल फॉरेंसिक साइंस यूनिवर्सिटी और सेंट्रल फॉरेंसिक साइंस लैबोरेट्री के रायपुर परिसर के शिलान्यास कार्यक्रम से लाइव… https://t.co/jx4QKOXjXC
— Amit Shah (@AmitShah) June 22, 2025
چھتیس گڑھ کے اپنے دو روزہ دورے پر امت شاہ رائے پور کے سوامی وویکانند ہوائی اڈے پر اترے، جہاں وزیر اعلی وشنو دیو سائی اور ریاستی حکومت کے دیگر افسران نے ان کا استقبال کیا۔ اپنے دورے کے دوران امت شاہ مختلف پروگراموں میں شرکت کرنے کا ارادہ رکھتے ہیں، جس میں چھتیس گڑھ اور پڑوسی ریاستوں کے پولیس ڈائریکٹر جنرل (ڈی جی پی) اور ایڈیشنل ڈائریکٹر جنرل آف پولیس (اے ڈی جی پی) کے ساتھ نیا رائے پور میں سیکورٹی سے متعلق امور پر ملاقات شامل ہے۔
اعلیٰ حکام کے ساتھ نکسل مخالف مہم پر جائزہ میٹنگ کروں گا: امت شاہ
دریں اثنا وزیر داخلہ امت شاہ نے سوشل میڈیا پلیٹ فارم ’ایکس‘ پر پوسٹ کرتے ہوئے چھتیس گڑھ پہنچنے کی خبر دی اور کہا کہ ’’میں چھتیس گڑھ کے دو روزہ دورے کے لیے رائے پور پہنچا ہوں۔ میں ڈی جی پی/اے ڈی جی پی اور چھتیس گڑھ، آندھرا پردیش، تلنگانہ، مدھیہ پردیش، مہاراشٹر، جھارکھنڈ اور اوڈیشہ کے اعلیٰ حکام کے ساتھ نکسل ازم پر ایک جائزہ میٹنگ کروں گا۔ کل میں نکسلیوں کے خلاف لڑنے والی سیکورٹی فورسز کے جوانوں سے ملاقات کروں گا۔ تشدد اور دہشت گردی کے لیے ہمارے معاشرے میں کوئی جگہ نہیں ہے۔ نکسل ازم کو جڑ سے اکھاڑ پھینکنا ہے اور ہم یہ کرکے رہیں گے۔‘‘
दो दिवसीय छत्तीसगढ़ प्रवास के लिए रायपुर पहुँचा। नक्सलवाद पर छत्तीसगढ़, आंध्र प्रदेश, तेलंगाना, मध्य प्रदेश, महाराष्ट्र, झारखंड और ओडिशा के DGP/ADGP एवं वरिष्ठ अधिकारियों के साथ समीक्षा बैठक करूँगा। कल, नक्सलियों के खिलाफ लड़ने वाले सुरक्षा बलों के जवानों से भेंट करूँगा।
एक सभ्य… pic.twitter.com/35EFbYHU9O
— Amit Shah (@AmitShah) June 22, 2025
اس سے قبل دن میں چھتیس گڑھ کے نائب وزیر اعلیٰ وجے شرما نے کہا کہ امت شاہ وزیر اعلیٰ سائی کے ساتھ جائزہ میٹنگ کریں گے۔ انھوں نے مزید کہا کہ ’’سات ریاستوں کے ڈی جی پی اور اے ڈی جی پی آئیں گے، اور اس بات پر بحث کی جائے گی کہ کس طرح نکسل ازم کو ختم کیا جائے اور بستر کو مقررہ وقت کے اندر ’سرخ دہشت گردی‘ سے پاک کیا جائے۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
