Amit Shah Honors Kakori Train Action Heroes: وزیر داخلہ امت شاہ نے ’’کاکوری ٹرین ایکشن‘‘ کے ہیروز کو کیا یاد، کہا-ملک ان کا ہمیشہ مقروض رہے گا

9 اگست 1925 کو پیش آنے والا ’’کاکوری ٹرین ایکشن‘‘ ہندوستان کی تحریک آزادی کی تاریخ کا ایک ایسا سنہری باب ہے، جو ہمت، قربانی اور حب الوطنی کی عظیم مثال کے طور پر ہمیشہ یاد رکھا جائے گا۔ اس دن رام پرساد بسمل، چندر شیکھر آزاد، اشفاق اللہ خان اور ان کے دیگر ساتھیوں نے انگریز حکومت کے خلاف بغاوت کا علم بلند کیا، جس کا مقصد برطانوی حکومت کی بنیادیں ہلا دینا تھا۔

اس تاریخی واقعے کی یاد میں آج مرکزی وزیر داخلہ امت شاہ نے ان انقلابیوں کو خراج عقیدت پیش کرتے ہوئے کہا کہ ’’کاکوری ٹرین ایکشن ہندوستانی جدوجہد آزادی میں ہمت، قربانی اور حب الوطنی کی علامت ہے۔ 9 اگست 1925 کو رام پرساد بسمل جی، چندر شیکھر آزاد جی، اشفاق اللہ خان جی جیسے ہیروز نے انگریزوں کی لوٹ مار کے خلاف انقلاب کی مشعل روشن کرکے برطانوی سلطنت کی بنیاد ہلا دی۔‘‘

‘काकोरी ट्रेन एक्शन’ भारतीय स्वतंत्रता संग्राम में साहस, बलिदान और देशभक्ति का प्रतीक है। 9 अगस्त 1925 को, रामप्रसाद बिस्मिल जी, चंद्रशेखर आजाद जी, अशफाक उल्ला खां जी जैसे वीरों ने अंग्रेजों की लूट के विरुद्ध क्रांति की मशाल जलाकर ब्रिटिश साम्राज्य की नींव हिला दी थी। अंग्रेजों… pic.twitter.com/YxEg4cHZZr

— Amit Shah (@AmitShah) August 9, 2025

انھوں  نے مزید کہا کہ ’’ان بہادر جنگجوؤں نے ’کاکوری ٹرین ایکشن‘ اس مقصد کے ساتھ انجام دیا کہ انگریزوں کے ذریعے ہندوستانیوں سے لوٹی ہوئی رقم کو ملک کے مفاد میں استعمال کیا جائے۔ ملک ان جنگجوؤں کی بہادری اور ہمت کا ہمیشہ مقروض رہے گا۔‘‘ واضح رہے کہ کاکوری ٹرین ایکشن ایک منظم انقلابی قدم تھا۔ انقلابیوں کا منصوبہ تھا کہ برطانوی حکومت کے ریلوے کے ذریعے منتقل کی جانے والی خزانے کی رقم کو ضبط کیا جائے، تاکہ اس رقم کو آزادی کی جدوجہد کے لیے استعمال کیا جا سکے۔ اس کارروائی نے نہ صرف انگریزوں کو چوکنا کر دیا بلکہ عوام کے دلوں میں انقلابیوں کے لیے بے پناہ احترام پیدا کیا۔ رام پرساد بسمل، اشفاق اللہ خان، راجندر ناتھ لاهیڑی اور ٹھاکر روشن سنگھ جیسے کئی انقلابیوں کو اس واقعے کے بعد پھانسی کی سزا دی گئی۔ چندر شیکھر آزاد گرفتاری سے بچتے رہے اور بعد میں الہٰ آباد میں ایک جھڑپ کے دوران جام شہادت نوش کیا۔

بھارت ایکسپریس اردو