سماجوادی پارٹی کے قومی صدر اکھلیش یادو۔ (فائل فوٹو)
سماجوادی پارٹی کے سربراہ اکھلیش یادو یوپی کے مین پور حلقہ کے کرہل اسمبلی حلقہ سے استعفیٰ دیں گے۔ پارٹی عہدیداران کے ساتھ میٹنگ میں اکھلیش یادو نے یہ بڑا فیصلہ کیا ہے۔ اکھلیش یادو قنوج لوک سبھا سے رکن پارلیمنٹ منتخب ہوئے ہیں، اس لئے اب انہوں نے کرہل اسمبلی حلقہ چھوڑنے کا فیصلہ کیا ہے۔ وہ اب قنوج لوک سبھا سیٹ کی نمائندگی کریں گے۔
آپ کو بتادیں کہ لوک سبھا الیکشن 2024 میں اکھلیش یادو نے قنوج سے قسمت آزمائی کی تھی۔ انہوں نے یہاں بی جے پی امیدوار کو ہرا کر بڑی جیت حاصل کی ہے۔ اکھلیش یادو کے استعفیٰ کے بعد قیاس آرائی کی جا رہی ہے کہ تیج پرتاپ یادو کو کرہل اسمبلی حلقہ سے امیدوار بنایا جاسکتا ہے۔ کرہل اسمبلی حلقہ سماجوادی پارٹی کا گڑھ مانا جاتا ہے۔ اکھلیش یادو کے علاوہ یوپی سے 8 اراکین اسمبلی اب پارلیمنٹ پہنچ گئے ہیں، اس طرح سے 9 سیٹوں پر الیکشن ہونا ہے۔ تمام استعفوں کے بعد الیکشن کمیشن کی طرف سے ضمنی الیکشن کا اعلان کیا جائے گا۔
