قومی سلامتی کے مشیر اجیت ڈوبھال۔ (فائل فوٹو)
آپریشن سندور کے ایک حصے کے طور پر 7 مئی 2025 کو پاکستان اور پاک مقبوضہ کشمیر میں 9 مقامات پر دہشت گردوں اور دہشت گردی کے بنیادی ڈھانچے پر مرکوز حملوں کے فوراً بعد ہندوستانی قومی سلامتی کے مشیر اجیت ڈوبھال نے کئی ممالک کے قومی سلامتی مشیروں سے بات کی۔
بھارت نے کئی ممالک کے قومی سلامتی مشیروں سے رابطہ کر دی جانکاری
این ایس اے اجیت ڈوبھال نے جن لوگوں سے بات کی، ان میں یو ایس کے قومی سلامتی مشیر (این ایس اے) اور سکریٹری آف اسٹیٹ مارکو روبیو، انگلینڈ کے این ایس اے جوناتھن پال، سعودی کے این ایس اے مصید العبان ، متحدہ عرب امارات کے ایچ ایچ شیخ تہنون، متحدہ عرب امارات کی این ایس سی کے جنرل سکریٹری علی الشمسی اور جاپان کے این ایس اے مساتاکا اوکانو شامل ہیں۔
اس کے علاوہ روسی این ایس اے سرگئی شوئیگو، سی پی سی کی مرکزی کمیٹی کے سیاسی بیورو کے رکن اور پی آر سی کے وزیر خارجہ وانگ یی اور فرانسیسی صدر ایمانوئل بون کے سفارتی مشیر سے بھی رابطہ قائم کیا گیا۔ این ایس اے اجت ڈوبھال نے اپنے ہم منصبوں کو بھارت کی جانب سے اٹھائے گئے اقدامات اور عمل درآمد کے طریقہ کار کے بارے میں آگاہ کیا۔
ہم تناؤ بڑھانا نہیں چاہتے، لیکن اگر پاکستان نے۔۔۔۔: اجیت ڈوبھال
انھوں نے زور دے کر کہا کہ بھارت کا تناؤ بڑھانے کا کوئی ارادہ نہیں ہے اور یہ حملہ نپا تلا اور جنگ پر اکسانے والا نہیں تھا، بلکہ ہم نے صرف دہشت گردی کے ٹھکانوں کو نشانہ بنایا ہے۔ انھوں نے مزید کہا کہ ہم کشیدگی بڑھانا نہیں چاہتے، لیکن اگر پاکستان کشیدگی بڑھانے کا فیصلہ کرتا ہے تو ہم پوری طرح سے جوابی کارروائی کے لیے تیار ہیں۔ این ایس اے اجیت ڈوبھال آنے والے دنوں میں بھی متعدد ممالک کے اپنے ہم منصبوں سے رابطے میں رہیں گے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
