نئی دہلی: اتر پردیش کے ضلع سنبھل میں واقع شری کلکی دھام کے پیٹھادھیشور، آچاریہ پرمود کرشنم نے جمعہ کے روز دہلی میں وزیرِاعظم نریندر مودی سے ملاقات کی۔ یہ ملاقات تقریباً 40 منٹ تک جاری رہی، جس کے دوران آچاریہ پرمود کرشنم نے وزیرِاعظم کو کلکی دھام کی تعمیر کے بارے میں تفصیل سے آگاہ کیا۔ اس کے علاوہ، انہوں نے حال ہی میں منعقد کی گئی کلکی کتھا اور کلکی پٹکا جیسے مختلف روحانی اور تنظیمی امور پر بھی وزیرِاعظم کے ساتھ گفتگو کی۔
भारतीय “संसद”
के PM कक्ष में आज,
भारत के यशस्वी प्रधान मन्त्री आदरणीय @narendramodi जी को श्री कल्कि धाम के निर्माण की प्रगति रिपोर्ट और विश्व की प्रथम “कल्कि कथा” के प्रसाद एवं श्री कल्कि धाम का अंग-वस्त्रम भेंट करने का “सौभाग्य”
प्राप्त हुआ. @PMOIndia pic.twitter.com/tLOivXbtDH— Acharya Pramod (@AcharyaPramodk) December 12, 2025
آچاریہ کرشنم نے ایکس پر وزیراعظم مودی کے ساتھ ملاقات کی تصاویر بھی شیئر کی ہیں۔ انہوں نے تصاویر شیئر کرتے ہوئے بتایا کہ دونوں کے درمیان کیا بات ہوئی اور کن امور پر تفصیل سے گفتگو کی گئی۔
بنیاد 2024 میں رکھی گئی تھی
واضح رہے کہ شری کلکی دھام کا سنگِ بنیاد 19 فروری 2024 کو خود وزیراعظم مودی نے رکھا تھا۔ اُس موقع پر انہوں نے مندر کا نقشہ بھی جاری کیا تھا اور کہا تھا کہ رام اور کرشن کی دھرتی اب ایک اور تاریخی لمحے کی گواہ بن رہی ہے۔ انہوں نے اسے بھارت کی صدیوں پرانی روحانی وراثت کے احیا کا اہم قدم قرار دیا تھا۔
وزیراعظم نے اس بات پر بھی زور دیا تھا کہ مندر کی خاص بات اس کا منفرد ڈیزائن ہے، جس میں دس گربھ گریہ قائم کیے جا رہے ہیں اور ہر گربھ گریہ میں وشنو کے دس اوتار کو سمویا جائے گا۔ ان کے مطابق یہ انتظام بھکتوں کو بھارتی شاستروں میں بیان کیے گئے وشنو کے اوتاروں کی مکمل جھلک فراہم کرے گا۔
انہوں نے یہ بھی کہا تھا کہ پچھلے چند برسوں میں بھارت کی روحانی و ثقافت پوری دنیا دیکھ رہی ہے۔ ایودھیا میں رام مندر کی پران پرتیشٹھا اور ابوظہبی میں مندر کے افتتاح جیسے واقعات وہ مثالیں ہیں جو کبھی ناقابلِ تصور سمجھے جاتے تھے۔ شری کلکی دھام اسی سلسلے کی ایک اور تاریخی کڑی ہے، جو مستقبل میں بھارت کی ثقافتی شناخت کو مزید مضبوط بنانے کی سمت بڑھ رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
