عام آدمی پارٹی نے دہلی میں 4 اورہریانہ میں ایک امیدوار کا اعلان کردیا ہے۔
عام آدمی پارٹی نے دہلی اورہریانہ کے لئے لوک سبھا امیدواروں کا اعلان کردیا ہے۔ نئی دہلی سیٹ سے سومناتھ بھارتی، جنوبی دہلی سے سہی رام، مغربی دہلی سے مہابل مشرا اور مشرقی دہلی سے کلدیپ کمار کو میدان میں اتارا ہے۔ وہیں ہریانہ کے کروچھیترا لوک سبھا سیٹ سے سابق راجیہ سبھا رکن پارلیمنٹ سشیل گپتا کو امیدوار بنایا ہے۔
انڈیا الائنس کے تحت عام آدمی پارٹی نے دہلی، ہریانہ اورگجرات میں امیدواراتارنے کا اعلان کیا ہے جبہ آسام اور گوا میں بھی الائنس رہے گا لیکن وہاں عام آدمی پارٹی اپنا امیدوار نہیں اتارے گی۔ جبکہ پنجاب میں دونوں پارٹیاں الگ الگ الیکشن لڑیں گی اوروہاں الائنس نہیں ہوگا۔ دراصل، دونوں پارٹیوں کی ریاستی یونٹ نے یہ فیصلہ کیا ہے کہ پنجاب میں الائنس میں الیکشن نہیں لڑا جائے گا۔ الائنس کے تحت دہلی اورہریانہ میں ملنے والی سیٹ پرہی امیدواروں کے نام کا اعلان کیا گیا ہے۔ اس سے پہلے گجرات کے بھروچ اور بھاؤنگرسیٹ سے بھی پارٹی لوک سبھا امیدواروں کے نام کا اعلان کرچکی ہے۔
AAP की तरफ़ से Delhi और Haryana की इन Seats पर उम्मीदवार होंगे –
New Delhi : Shri Somnath Bharti
South Delhi: Shri Sahiram Pahalwan
West Delhi : Shri Mahabal Mishra
East Delhi: Shri Kuldeep Kumarहरियाणा की कुरुक्षेत्र लोकसभा सीट से Shri Sushil Gupta उम्मीदवार होंगे
— AAP (@AamAadmiParty) February 27, 2024
ہریانہ میں بھی طاقت دکھائے گی پارٹی
عام آدمی پارٹی نے دہلی کے ساتھ ہی ہریانہ سے بھی ایک سیٹ پرامیدوار کے نام کا اعلان کردیا ہے۔ پارٹی نے فی الحال کروچھیتر سیٹ سے ریاستی صدراور سابق رکن پارلیمنٹ سشیل گپتا کو انتخابی میدان میں اتارا ہے۔ پارٹی کے مطابق، جن امیدواروں کے نام کا اعلان کیا گیا ہے، انہیں جتانے پرپوری توجہ رہے گی۔ تاکہ انڈیا الائنس کے تحت پارٹی کو جو ذمہ داری ملی ہے، اسے نبھایا جاسکے۔
بھارت ایکسپریس۔
