بہار میں ایس آئی آر مشق کا پہلا مرحلہ مکمل ہوچکا ہے اور 65.2 لاکھ ووٹروں کے ناموں کو خارج کیے جانے کا امکان ہے۔ جمعہ کو الیکشن کمیشن کی طرف سے جاری کردہ اعداد و شمار سے پتہ چلتا ہے کہ 65.2 لاکھ ووٹرز میں سے 22 لاکھ کی موت ہوچکی ہے، 35 لاکھ مستقل طور پر بہار سے باہر منتقل ہوچکے ہیں اور 7 لاکھ ایک سے زیادہ جگہوں پر ووٹر کے طور پر درج ہیں اور 1.2 لاکھ نے ابھی تک اپنے فارم جمع نہیں کرائے ہیں۔
الیکشن کمیشن نے کہا کہ بہار کے 99.8 فیصد رائے دہندگان کو ایس آئی آر مشق کے تحت شامل کیا گیا ہے، جو ریاست میں 24 جون کو شروع ہوئی تھی۔ 7.9 کروڑ رائے دہندگان میں سے، 7.23 کروڑ رائے دہندگان کے گنتی کے فارم موصول ہو چکے ہیں اور انھیں ڈیجیٹلائز کیا گیا ہے اور ان کے نام 1 اگست کو شائع ہونے والی انتخابی فہرست کے مسودے میں شامل کیے جائیں گے۔
کمیشن نے سیاسی پارٹیوں کے ساتھ شیئر کی فارم نہ بھرنے والوں کی فہرست
کمیشن نے مزید کہا کہ بقیہ 1.2 لاکھ ووٹروں کے فارم موصول ہونا باقی ہیں۔ الیکشن باڈی نے کہا کہ بقیہ ووٹرز کی BLO رپورٹس کے ساتھ گنتی کے فارمز کی ڈیجیٹائزیشن بھی یکم اگست تک مکمل کر لی جائے گی۔ کمیشن نے کہا کہ جن اہل ووٹروں کے نام رہ گئے ہیں انھیں 1 اگست سے 1 ستمبر کے درمیان عمل کے اگلے مرحلے کے دوران بھی شامل کیا جا سکتا ہے اور پارٹیاں نااہل ووٹروں کو ہٹانے کے لیے الیکٹورل رجسٹریشن آفیسر (ERO) کے پاس اعتراضات بھی دائر کر سکتی ہیں۔
کمیشن نے ان ووٹرز کی فہرست، جنھوں نے اپنے گنتی کے فارم نہیں بھرے ہیں یا فوت ہو چکے ہیں یا مستقل طور پر منتقل ہو چکے ہیں، تمام 12 تسلیم شدہ سیاسی جماعتوں کے ساتھ شیئر کر دی ہیں۔ دریں اثنا سیاسی جماعتوں نے اجتماعی طور پر 1,60813 بی ایل اے کو نامزد کیا ہے تاکہ یکم اگست کو شائع ہونے والی انتخابی فہرستوں کے مسودے میں اگر کوئی غلطی ہو تو اسے درست کیا جا سکے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
