نئی دہلی: جرمنی کے فرینکفرٹ سے دہلی آرہا ایئر انڈیا کا ایک طیارہ بدھ کو جے پور ہوائی اڈے پر ہنگامی طور پر اتارا گیا۔ طیارے کو ہائی جیک کیے جانے کی اطلاع ملنے کے بعد اسے جے پور کی جانب موڑ دیا گیا تھا۔ سکیورٹی ایجنسیوں کی جانچ کے بعد ہائی جیکنگ کی اطلاع افواہ ثابت ہوئی۔اطلاعات کے مطابق، ایئر انڈیا کی پرواز اے آئی 2030 کے حوالے سے صبح 9:05 بجے احمد آباد اور ایئر ٹریفک کنٹرول (اے ٹی سی) کو ہنگامی الرٹ موصول ہوا۔ اس کے بعد طیارے کا رخ جے پور کی جانب موڑ دیا گیا، جہاں اس کی ہنگامی لینڈنگ کرائی گئی۔ بتایا گیا ہے کہ طیارے نے گزشتہ رات 10:45 بجے فرینکفرٹ سے اڑان بھری تھی۔
ہوائی اڈے پر سکیورٹی کے سخت انتظامات
طیارے کی ہنگامی لینڈنگ کے بعد جے پور ہوائی اڈے پر افرا تفری کا ماحول پیدا ہوگیا۔ ہوائی اڈے کے مقررہ حفاظتی ضابطوں کے تحت بم ناکارہ بنانے والا دستہ، فائر بریگیڈ اور دیگر ہنگامی ٹیمیں موقع پر پہنچ گئیں۔ راجستھان پولیس کے ایڈیشنل ڈائریکٹر جنرل (اے ڈی جی) سمیت کئی سینئر پولیس افسران نے بھی ہوائی اڈے کا رخ کیا۔ابتدائی معلومات کا حوالہ دیتے ہوئے ایک ذرائع نے بتایا کہ جب طیارہ ممبئی فلائٹ انفارمیشن ریجن (ایف آئی آر) میں تھا، تب پائلٹ نے ’اسکواک کوڈ 7500‘ دبایا تھا۔ یہ کوڈ طیارے میں غیر قانونی مداخلت یا ہائی جیکنگ کی صورت حال کی نشاندہی کرتا ہے۔
VIDEO | Jaipur: Air India’s Frankfurt-Delhi flight diverted to Jaipur following bomb threat; plane makes emergency landing at airport; officials arrive at the airport. More details awaited.
(Full video available on PTI Videos – https://t.co/d8jp61yd2p) https://t.co/Ghw7VdiSkg
— Press Trust of India (@PTI_News) October 14, 2026
بوئنگ 787-9 طیارے کو الگ تھلگ مقام پر لے جایا گیا
ذرائع کے مطابق، ایئر انڈیا کی پرواز اے آئی 2030، جو بوئنگ 787-9 طیارے کے ذریعے چلائی جا رہی تھی، کی جے پور انٹرنیشنل ایئرپورٹ پر ہنگامی لینڈنگ کرائی گئی۔ اس کے بعد طیارے کو سکیورٹی جانچ کے لیے الگ تھلگ مقام پر منتقل کردیا گیا۔مالویہ نگر کے اسسٹنٹ کمشنر آف پولیس شیو دیال نے خبر رساں ایجنسی پی ٹی آئی کو بتایا کہ ہوائی اڈے کے حکام نے پولیس کو فرینکفرٹ سے دہلی آنے والی پرواز کی ہنگامی لینڈنگ کے بارے میں اطلاع دی تھی۔ ان کے مطابق، یہ کارروائی بم کی دھمکی ملنے کے بعد کی گئی تھی۔ذرائع نے بتایا کہ الرٹ موصول ہونے کے بعد طیارے کو جے پور کی جانب موڑ دیا گیا۔ فی الحال طیارے میں سوار مسافروں کی تعداد کے بارے میں فوری طور پر معلومات سامنے نہیں آسکی ہیں۔اس معاملے میں ایئر انڈیا کے سرکاری بیان کا انتظار ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
