آئی پی ایل 2025 کے سترہویں میچ میں آج دہلی کیپٹلز نے چنئی سپرکنگز کو 25 رنوں سے شکست دے کر جیت کی ہیٹ ٹرک بنا لی۔ چنئی کے چیپاک اسٹیڈیم میں کھیلے گئے اس میچ میں 5 مرتبہ کی چمپئن چنئی بلے بازی میں بے بس دکھائی دی۔ دہلی کے گیندبازوں نے اس طرح سبھی بلے بازوں کو باندھ کر رکھا کہ باؤنڈری لگانا محال ہو رہا تھا۔ اس کا اندازہ اس بات سے لگایا جا سکتا ہے کہ مہندر سنگھ دھونی جیسے تیز کھیلنے والے بلے باز بھی 26 گیندوں میں ناٹ آؤٹ 30 رن ہی بنا سکے۔ کچھ یہی حال دیگر بلے بازوں کا بھی نظر آیا۔ نتیجہ یہ ہوا کہ دہلی کے ذریعہ جیت کے لیے دیے گئے 184 رنوں کے ہدف سے چنئی کی ٹیم 25 رن پیچھے رہ گئی۔ غور کرنے والی بات یہ ہے کہ دہلی نے 15 سالوں بعد چیپاک میں چنئی کو شکست دی ہے۔
𝙐𝙣𝙛𝙖𝙯𝙚𝙙, starring Vipraj Nigam 💪
The #DC spinner wins a mini-battle against the big-hitting Shivam Dube 🔥#CSK need 108 from 54 deliveries
Updates ▶ https://t.co/5jtlxucq9j #TATAIPL | #CSKvDC | @DelhiCapitals pic.twitter.com/CeCTFXG1Od
— IndianPremierLeague (@IPL) April 5, 2025
آج دہلی نے پہلے بلے بازی کرتے ہوئے 20 اوورس میں 6 وکٹ کے نقصان پر 183 رن بنائے تھے۔ فاف ڈوپلیسی آج زخمی ہونے کے سبب میچ نہیں کھیل سکے، اس لیے کے ایل راہل نے اوپننگ کی۔ انھوں نے اس موقع کا فائدہ اٹھایا اور 51 گیندوں پر 3 چھکوں و 6 چوکوں کی مدد سے 77 رن بنا ڈالے۔ سلامی بلے باز میک گرک کا وکٹ صفر پر گرنے کے بعد راہل نے ابھشیک پوریل (33) کے ساتھ 54 رنوں کی، کپتان اکشر پٹیل (21 رن) کے ساتھ 36 رنوں کی، اور سمیر رضوی (20 رن) کے ساتھ 56 رنوں کی شراکت داری کی۔ ٹرسٹن اسٹبس نے آخر میں 12 گیندوں پر ناٹ آؤٹ 24 رنوں کی اننگ کھیل کر ٹیم کا اسکور 183 رن تک پہنچا دیا۔ چنئی کی طرف سے محمد خلیل نے سب سے زیادہ 2 وکٹ اور رویندر جڈیجہ، نور احمد و متھیشا پتھیرانا نے 1-1 وکٹ لیے۔
Hat-Trick of Wins ✅
Memorable win at Chepauk after 1⃣5⃣ years ✅@DelhiCapitals cap off a commanding 2⃣5⃣-run victory over #CSK 🥳Scorecard ▶ https://t.co/5jtlxucq9j #TATAIPL | #CSKvDC pic.twitter.com/D9oWDI4hN2
— IndianPremierLeague (@IPL) April 5, 2025
چنئی کے لیے 184 رنوں کا ہدف شروع سے ہی مشکل نظر آ رہا تھا، کیونکہ 20 رنوں پر ہی 2 وکٹ، اور 74 رنوں پر ہی 5 وکٹ گر گئے۔ رچن رویندر (3 رن)، ڈیون کانوے (13 رن)، ریتوراج گائیکواڈ (5 رن) نے تو مایوس کیا ہی، شیوم دوبے (18 رن) اور رویندر جڈیجہ (2 رن) بھی کچھ خاص نہیں کر سکے۔ وجئے شنکر ایک طرف کھڑے رہے، لیکن وہ بھی دھیمے نظر آئے۔ انھوں نے 54 گیندوں پر 1 چھکا اور 5 چوکے کی مدد سے ناٹ آؤٹ 69 رن بنائے۔ دھونی سے چنئی کے شیدائیوں کو بڑی امید تھی، لیکن وہ بھی 26 گیندوں پر 1 چھکا اور 1 چوکا کی مدد سے ناٹ آؤٹ 30 رن ہی بنا سکے۔ چنئی کے چاہنے والوں کو مایوسی اس بات سے بھی ہوئی کہ شنکر اور دھونی دونوں میدان سے ناٹ آؤٹ لوٹے اور کافی گیندیں بھی دونوں نے کھیلیں، لیکن کبھی بھی ٹیم کو جیت کے قریب لے جاتے ہوئے دکھائی نہیں دیے۔
سچ تو یہ ہے کہ چنئی کا ہر بلے باز رنوں کے لیے جدوجہد کرتا ہوا دکھائی دیا۔ اس کے لیے دہلی کے گیندبازوں کی تعریف کرنی ہوگی۔ وجئے شنکر نے کئی مواقع پر بڑا شاٹ لگانے کی کوشش کی، لیکن گیند ٹھیک سے بلے پر لگ ہی نہیں رہا تھا۔ نتیجہ یہ ہوا کہ چنئی کا وکٹ تو 5 ہی گرا، لیکن 20 اوورس میں ٹیم 158 رن ہی بنا سکی۔ شنکر اور دھونی کے درمیان 57 گیندوں میں 84 رنوں کی ناٹ آؤٹ شراکت داری ہوئی، جو کہ فتح کے لیے کافی نہیں تھا۔ دہلی کی طرف سے وپراج نگم سب سے زیادہ 2 وکٹ لینے والے گیندباز رہے۔ انھوں نے 4 اوورس میں محض 27 رن دیے۔ 1-1 وکٹ مشیل اسٹارک، مکیش کمار اور کلدیپ یادو کے حصے میں آئے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
