امریکی صدر ڈونالڈ ٹرمپ نے کہا کہ وہ ایران کے ساتھ جوہری معاہدے پر بات چیت کرنا چاہتے ہیں اور انہوں نے اس سے متعلق ایک خط ایران کے سپریم لیڈر کو بھیجا ہے جس میں انہوں نے کہا ہے کہ امید ہے کہ وہ مذاکرات پر راضی ہوجائیں گے۔ٹرمپ نے جمعہ (07 مارچ 2025) کو ایک انٹرویو میں کہاکہ میں نے کہا کہ مجھے امید ہے کہ آپ مذاکرات کریں گے، کیونکہ یہ ایران کے لیے بہت بہتر ہوگا۔ میرے خیال میں وہ اس خط کو حاصل کرنا چاہتے ہیں۔ دوسرا آپشن یہ ہے کہ ہمیں کچھ کرنا ہوگا، کیونکہ آپ ایک اور جوہری ہتھیار بنانے کی اجازت نہیں دے سکتے۔
کیا روس بھی امریکہ کا ساتھ دے رہا ہے؟
دریں اثنا، روسی وزارت خارجہ نے کہا کہ روس کے نائب وزیر خارجہ سرگئی ریابکوف نے ایرانی سفیر کاظم جلالی کے ساتھ ایران کے جوہری پروگرام سے متعلق صورتحال کے حل کے لیے بین الاقوامی کوششوں پر تبادلہ خیال کیاہے۔ ٹرمپ نے جنوری میں اقتدار سنبھالنے کے بعد سے امریکی خارجہ پالیسی میں بڑی تبدیلیاں کی ہیں۔ روس کے بارے میں امریکہ کا رویہ بدل گیا ہے اور مزید سمجھوتہ کرنے والا موقف اپنایا گیا ہے۔ اس نے دوسرے مغربی اتحادیوں کو تشویش میں مبتلا کر دیا ہے۔ ٹرمپ روس اور یوکرین کے درمیان تین سال سے جاری جنگ کو ختم کرنے کی کوشش کر رہے ہیں۔
واضح رہے کہ ایران کے جوہری معاہدے پر مذاکرات 2015 میں شروع ہوئے تھے۔ اگرچہ 2018 میں ٹرمپ کے دور میں امریکہ اس سے دستبردار ہو گیا تھا لیکن بائیڈن انتظامیہ کے دور میں بھی ایران کے ساتھ جوہری معاہدے تک پہنچنے کی کوششیں کی گئیں۔لیکن تمام کوششیں ناکام ہوگئیں اور اب ایک بار پھر ٹرمپ نے نئی شروعات کی ہےاور ایرانی سپریم لیڈر آیت اللہ خامنہ ای کو ایک مکتوب لکھ کر مذاکرات کی دعوت دی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
