واشنگٹن: امریکہ کے صدر ڈونلڈ ٹرمپ نے ایران پر اسرائیل کے ساتھ مل کر کی گئی فوجی کارروائی کا مقصد موجودہ ایرانی حکومت کو ختم کرنا اور عام ایرانی عوام کو اقتدار سنبھالنے کا موقع فراہم کرنا قرار دیا ہے۔ ٹرمپ نے حملوں کی تصدیق کرتے ہوئے آٹھ منٹ پر مشتمل ایک ویڈیو بیان جاری کیا۔ انہوں نے کہا، ’’اسلامک ریوولوشنری گارڈ کے ارکان، فوجی اہلکاروں اور تمام پولیس فورس سے کہنا چاہتا ہوں کہ اپنے ہتھیار ڈال دیں اور اپنی جان بچائیں، ورنہ آپ کی موت یقینی ہے۔”
ٹرمپ کا دعویٰ ہے کہ ایران میں امریکہ کا فوجی آپریشن انتہائی وسیع پیمانے پر جاری ہے اور ابھی ختم نہیں ہوا۔ امریکی صدر نے کہا، ’’اس کارروائی کا مقصد امریکہ اور اس کے شہریوں کو خطرات سے محفوظ بنانا ہے۔‘‘ ان کے مطابق امریکی فوج ایران کے میزائل نظام کو تباہ کرنے اور اس کے میزائل پروگرام کو مکمل طور پر ختم کرنے کی کوشش کر رہی ہے۔
ٹرمپ نے مزید کہا کہ جون میں ایرانی جوہری تنصیبات پر حملوں کے بعد بھی ایران اپنے نیوکلیئر پروگرام کو دوبارہ آگے بڑھانے کی کوشش کر رہا تھا۔ ان کے مطابق ایران نے اپنا جوہری پروگرام ترک کرنے کے لیے پیش کیے گئے مواقع کو سنجیدگی سے نہیں لیا، جس کی وجہ سے مزید انتظار ممکن نہیں رہا۔
کچھ امریکی فوجیوں کی جا سکتی ہے جان: ٹرمپ
انہوں نے کہا کہ ایران میں جاری فوجی کارروائی کے دوران کچھ امریکی فوجیوں کی جان جا سکتی ہے۔ ان کا کہنا تھا کہ جنگ میں اس طرح کے نقصانات ممکن ہوتے ہیں، لیکن یہ قدم مستقبل کی سلامتی کو یقینی بنانے کے لیے اٹھایا جا رہا ہے۔
امریکی صدر ٹرمپ نے ایرانی عوام کو دیا مشورہ
امریکی صدر نے ایرانی عوام کو متوجہ کرتے ہوئے کہا، ’’ایران کے عظیم عوام سے کہنا چاہتا ہوں کہ آپ کی آزادی کا وقت آ چکا ہے۔ محفوظ رہیں اور اپنے گھروں سے باہر نہ نکلیں کیونکہ باہر شدید خطرہ ہے اور ہر جگہ بمباری ہو سکتی ہے۔” انہوں نے مزید مشورہ دیا، ’’جب ہمارا مشن مکمل ہو جائے تو اپنی حکومت پر قبضہ کر لیجیے، کیونکہ یہ آپ کی حکومت ہوگی۔ شاید یہ آنے والی نسلوں کے لیے آپ کا آخری موقع ہو۔”
پوری طاقت کے ساتھ آپ کے ساتھ کھڑا ہے امریکہ
اپنے بیان کے اختتام پر ٹرمپ نے کہا، ’’کئی برسوں سے آپ نے امریکہ سے مدد مانگی، لیکن آپ کو کبھی مدد نہیں ملی۔ اب دیکھتے ہیں کہ آپ کیسے ردعمل دیتے ہیں۔ امریکہ پوری طاقت کے ساتھ آپ کے ساتھ کھڑا ہے۔ اب وقت آ گیا ہے کہ آپ اپنی تقدیر کا کنٹرول خود سنبھالیں اور ایک روشن مستقبل کی طرف قدم بڑھائیں۔ یہ اقدام کرنے کا وقت ہے، اسے ضائع نہ کریں۔”
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
