ایران۔اسرائیل۔امریکہ جنگ کے درمیان ایران کی جانب سے سعودی عرب کی سب سے بڑی آئل ریفائنری سعودی آرامکو پر حملے کی خبر نے عالمی سطح پر تشویش پیدا کر دی ہے۔ رپورٹس کے مطابق ایران نے ’فتحِ خیبر‘ آپریشن کے تحت سعودی عرب کے اہم تیل تنصیبات کو نشانہ بنایا۔جب دولت، عالمی اثر و رسوخ اور دنیا کی معیشت کو چلانے والے ایندھن یعنی تیل کی بات آتی ہے تو سب سے نمایاں نام سعودی عرب کی سرکاری آئل کمپنی سعودی آرامکو کا سامنے آتا ہے۔ دنیا کی سب سے بڑی تیل کمپنی پر حملے کی اطلاعات سامنے آنے کے بعد عالمی توانائی منڈی میں ہلچل مچ گئی ہے اور سرمایہ کاروں میں بے چینی بڑھ گئی ہے۔ ماہرین کا کہنا ہے کہ اگر اس حملے میں ریفائنری کو بڑے پیمانے پر نقصان پہنچا ہے تو عالمی سطح پر تیل کی سپلائی متاثر ہو سکتی ہے، جس کے نتیجے میں دنیا بھر میں خام تیل کی قلت پیدا ہونے اور قیمتوں میں شدید اضافہ ہونے کا خدشہ ہے۔ ایسی صورت حال میں عالمی معیشت، ٹرانسپورٹ نظام اور توانائی پر انحصار کرنے والی صنعتوں پر براہِ راست اثر پڑ سکتا ہے۔
آرامکو آئل ریفائنری کتنی طاقتور ہے؟
آرامکو کی کہانی سن 1933 میں شروع ہوئی تھی، جب اس کی بنیاد امریکی شراکت داری کے ساتھ رکھی گئی۔ تاہم 1980 تک سعودی حکومت نے اس کمپنی کا مکمل طور پر قومی تحویل میں لے لیا۔ آج اس کا مرکزی دفتر سعودی عرب کے شہر دھہران میں واقع ہے اور یہاں 75 ہزار سے زائد ملازمین کام کر رہے ہیں۔ کمپنی کی مارکیٹ ویلیو تقریباً 1.6 سے 1.7 ٹریلین ڈالر کے درمیان ہے، جس کی وجہ سے یہ کئی مرتبہ ایپل اور مائیکروسافٹ جیسی بڑی ٹیکنالوجی کمپنیوں کو پیچھے چھوڑتے ہوئے دنیا کی سب سے قیمتی کمپنی بن چکی ہے۔
پیداوار کے لحاظ سے آرامکو کا مقام
آرامکو کی اصل طاقت اس کے وسیع ہائیڈروکاربن ذخائر میں پوشیدہ ہے۔ یہ کمپنی روزانہ اوسطاً 10 سے 12 ملین بیرل خام تیل پیدا کرتی ہے۔ سال 2024 میں کمپنی کی آمدنی تقریباً 480 ارب ڈالر رہی۔ آرامکو صرف تیل نکالنے تک محدود نہیں بلکہ آئل ریفائننگ، پیٹروکیمیکلز، لبریکینٹس اور ریٹیل سیکٹر میں بھی اس کا بڑا کاروباری نیٹ ورک موجود ہے۔ اس کے ساتھ ہی کمپنی مستقبل کی توانائی ضروریات کو مدنظر رکھتے ہوئے قدرتی گیس، ایل این جی اور قابلِ تجدید توانائی کے شعبوں میں بھی تیزی سے سرمایہ کاری کر رہی ہے۔
بازار کا بے تاج بادشاہ ہے آرامکو
سعودی عرب کے اسٹاک ایکسچینج تداول میں فہرست شدہ آرامکو کے 90 فیصد سے زیادہ حصص سعودی حکومت کے پاس ہیں۔ عالمی سطح پر جب خام تیل کی قیمتیں بڑھتی ہیں تو یہ کمپنی دنیا میں سب سے زیادہ منافع کمانے والی کمپنی بن جاتی ہے۔ مختصراً کہا جائے تو آرامکو وہ معاشی انجن ہے جو نہ صرف سعودی عرب کی معیشت کو مضبوط بناتا ہے بلکہ پوری دنیا کی توانائی کی رفتار کو بھی برقرار رکھتا ہے۔
کیا پیٹرول اور ڈیزل کی قیمتیں بڑھ جائیں گی؟
ایران کے اس حملے سے عالمی تیل سپلائی پر بڑا خطرہ پیدا ہو گیا ہے۔ آرامکو کی ریفائنری کو نشانہ بنائے جانے کے باعث خام تیل کی قیمتوں میں اضافہ ہو سکتا ہے۔ ماہرین کے مطابق اگر کشیدگی برقرار رہی تو تیل کی قیمتیں 110 ڈالر فی بیرل تک پہنچ سکتی ہیں، جو بھارت جیسے تیل درآمد کرنے والے ممالک کے لیے بڑا معاشی جھٹکا ثابت ہوگا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
