کو-پائلٹ انجو کی درد بھری کہانی، 16 سال پہلے شوہر ہو چکے ہیں ایسے ہی حادثہ کا شکار
Nepal Plane Crash: نیپال میں اتوار کو ہوئے خوفناک حادثہ میں 72 مسافروں میں سے 68 کی موت ہو چکی ہے۔ مرنے والوں میں 5 ہندوستانی بھی شامل ہیں۔ حادثہ کا شکار ہوئے یتی ائیر لائنس کے طیارے ATR-72 میں ایک کو پائلٹ انجو کھتیواڑا کی بھی جان چلی گئی۔ انجو کو پائلٹ سے کیپٹن بننے والی تھیں۔ طیارے کو سینئر کیپٹن کے سی چلا رہے تھے، جب کہ انجو طیارے میں کو پائلٹ تھیں۔
کچھ ہی دنوں میں انجو بننے والی تھیں کیپٹن
شریک پائلٹ انجو نے اس سے قبل نیپال میں کئی پروازیں کامیابی سے اتاری تھیں۔ اسی لیے اتوار کو پوکھرا جاتے ہوئے کیپٹن کے سی نے انہیں چیف پائلٹ کی سیٹ پر بٹھایا۔ لیکن بدقسمتی سے لینڈنگ سے صرف 10 سیکنڈ قبل طیارہ گر کر تباہ ہو گیا اور انجو کے تمام خواب دھویں میں اُڑ گئے۔
Anju Khatiwada, co-pilot of the ill-fated #YetiAirlines, was just few seconds away from landing & fulfilling the requirement to become a Captain. Tragically, her husband (also a co-pilot) had died in a plane crash in 2006. What a terrible & cruel twist of fate 😢 #NepalPlaneCrash pic.twitter.com/w1TpJ0Tl6a
— Atul Karmarkar (@atulkarmarkar) January 16, 2023
ایک کامیاب کپتان تھے کمل کے سی
اطلاعات کے مطابق کیپٹن کمل کے سی کو بطور پائلٹ 35 سال کا تجربہ تھا۔ وہ پہلے بھی کئی پائلٹس کو ٹریننگ دے چکے تھے۔ جس کے لیے بہت سے پائلٹ انہیں ایک کامیاب کپتان مانتے ہیں۔ نیپال میں ہوائی جہاز اور ہیلی کاپٹر کے حادثات کی تعداد کے بارے میں بات کریں تو اب تک کل 104 حادثات ہو چکے ہیں جن میں 96 مسافر طیارے اور 8 ہیلی کاپٹر حادثات شامل ہیں۔
یہ بھی پڑھیں- Yeti Airlines plane crashes in Nepal, 68 passengers on board: یتی ایئرلائن کا طیارہ نیپال میں کریش، 68 مسافر تھےسوار
انجو کے شوہرکی بھی طیارے حادثے میں ہی جا چکی ہے جان
دوسری جانب اس حادثے میں تکلیف دہ بات یہ ہے کہ طیارے کے حادثے میں شریک پائلٹ انجو کے شوہر کی بھی موت ہوئی تھی۔ ان کے شوہر دیپک پوکھرل بھی یتی ایئر لائنس میں شریک پائلٹ کے طور پر تعینات تھے۔ ان کی موت 16 سال قبل 21 جون 2006 کو یتی ایئر لائنس کے طیارے کے حادثے میں ہوئی تھی۔ یہ طیارہ نیپال گنج سے سرکھیت کے راستے جملا جا رہا تھا۔ اسی دوران Yeti Airlines کا 9N AEQ طیارہ گر کر تباہ ہو گیا تھا۔ اس حادثے میں 6 مسافر اور عملے کے 4 ارکان ہلاک ہوئے تھے۔
-بھارت ایکسپریس
